Մեր վերջնանպատակը՝ Արցախի միավորումն է Հայաստանին․ դրան պետք է հասնել համբերատար ու համախմված ջանքերով․ Խզմալյան

Արցախի ու արցախահայության ճակատագիրը շարունակում է մնալ համայն հայության մտահոգության տիրույթում։ Իշխանությունների մասով՝ ամեն ինչ ակնհայտ է․ պաշտոնական Երևանը Արցախի հանրապետության հետ առնչությունները դրսևորում է զուտ սոցիալ-տնտեսական և ֆինանսական ձևաչափում։ ՀՀ առաջին նախագահ Լևոն Տեր-Պետրոսյանն, օրինակ, պնդում է, թե Արցախի հարցում Հայաստանն այլևս ասելիք ու անելիք չունի․ սա, կարծես, հնչում է ոչ թե իբրև մտահոգություն, այլ դատավճռի պես։

«Հայաստանի Եվրոպական կուսակցությունը ելնում է Արցախի հայության ինքնորոշման իրավունքի անբեկանելի իրականացումից՝ որպես Արցախյան հակամարտության միջանկյալ լուծում: Դա էր 1988-1991 թթ. Արցախյան շարժման ազգային, ինչպես նաեւ միջազգային ընկալումը, որը տասը տարի անց հանցավոր քաղաքական սխալների հետեւանքով կամ էլ ռուսական հատուկ ծառայությունների առաջադրանքով փոխարինվեց ՀՀ-Ադրբեջան տարածքային վեճով: 44-օրյա պատերազմից հետո ստեղծված իրավիճակում ՀՀ-ն պարտավոր է վերադառնալ Շարժման ակունքներին եւ վերադասավորել եւ համակարգել Արցախյան հարցում Երեւանի եւ Ստեփանակերտի դիրքորոշումները, որոնք ներկայումս բավական տարբեր են, երբեմն էլ՝ իրարամերժ»։

ԼՈՒՐԵՐ․ com-ի հետ զրույցում այսպիսի կարծիք հայտնեց Հայաստանի Եվրոպական կուսակցության (ՀԵՎԿ) նախագահ Տիգրան Խզմալյանը։ Նրա պնդմամբ, պետք է հրաժարվել ոչ միայն Քոչարյան-Սարգսյան զույգի ռուսամետ «հարմարվողական» մոտեցումից, որն առ այսօր բնորոշ է Ստեփանակերտի քաղաքական շրջանակին, այլ նաեւ Տեր-Պետրոսյանի պարտվողական հռետորաբանությունից, որն ընդունել է Փաշինյանի օրոք «խաղաղասիրական» բնույթ: 

«Հայաստանը պարտավոր է հանդես գալ որպես Արցախի եւ արցախահայության ֆիզիկական գոյության եւ քաղաքական ինքնիշխանության երաշխավոր, հիմնվելով Գենոցիդի եւ Պատրիացիդի (հայրենազրկման) անընդունելիության եւ կանխման միջազգային սկզբունքի վրա: Ադրբեջանական վերջին վայրագությունները հիմք են տալիս դիմել աշխարհին արցախահայությանը միջազգային երաշխիքներ եւ խաղաղապահների պաշտպանության պահանջով, որպես հարցի միջանկյալ լուծում, որը կնմանվի Կոսովոյի ինքնորոշման նախադեպին»,-նշեց մեր զրուցակիցը: 

Հաջորդ քայլը, ըստ Խզմալյանի, պետք է լինի ՀՀ արագ մերձեցումը Արեւմուտքի հետ, որը նոր դիրքեր կապահովի մեզ համար Ադրբեջանի գալիք քաղաքական եւ տնտեսական թուլացման ու քայքայման պահին․

«Այդ փուլում Արցախը կարողանալու է վերադառնալ ՀՀ հետ Միացման գաղափարին, որը մեզ համար մնում է վերջնանպատակ եւ որը պետք է պատրաստել առանց ավելորդ աղմուկի, համբերատար եւ համախմբված ջանքերով»։

Արա Ալոյան

Այս թեմայով 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Ադրբեջանը ձևափոխում է օկուպացված Արցախի Մայր բուհի շենքը (տեսանյութ) Մի ողջ Արցախի Հանրապետություն քայքայել, հայաթափել է ու ոչ մի բան՝ դեռ իր տեղում է․ 4 գյուղն ի՞նչ է, որ չհանձնի․ Զաքարյան Դրամահավաք՝ Արցախի մշակույթի պահպանման համար «Հրապարակ». Արցախի վերնախավը հավաքվել էր Իրանի Սպահան իսրայելական ԱԹՍ-ները կարող էին հասնել միայն բռնազավթված Արցախի տարածքից. Վարդան Ոսկանյան «Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ