Հիմնովին ավիրված տներ, վնասված դպրոց ու վարչական շենք․ Վարդենիսում գնահատել են վերջին ագրեսիայի հետևանքները

Սեպտեմբերի 12-13-ը ադրբեջանական զինուժի՝ ՀՀ ինքնիշխան տարածք ներխուժելու հետևանքով ՀՀ Գեղարքունիքի մարզի Վարդենիսի տարածաշրջանի մի քանի համայնքներ՝ Սոթք, Կութ, Նորաբակ, Վերին Շորժա, Կուտական, դարձան թշնամու թիրախ։ Սահմանամերձ գյուղերից տարհանվեցին մարդիկ, պատճառվեց նյութական ահռելի վնաս։

Ավելի վաղ, ԼՈՒՐԵՐ․com-ի հետ զրույցում, Վարդենիս համայնքի ղեկավար Ահարոն Խաչատրյանը նշել էր, որ կատարվում են համապատասխան ուսումնասիրություններ, որպեսզի կառավարությունը փոխհատուցի նշյալ համայնքներում պատճառված վնասը։

Հարցին, թե որքա՞ն է կազմում ընդհանուր վնասի չափը, ըստ կատարված ուսումնասիրությունների, Վարդենիսի համայնքապետարանից մանրամասնեցին հետևյալը․

«Ադրբեջանական վերջին հարձակման հետևանքուվ Սոթքում վնասվել է 142 բնակարան, որից 8-ը՝ հիմնովին ավիրվել է, վնասվել է 2 խանութ, որից մեկը՝ հիմնովին ավիրվել է։ Վնասվել են նաև Սոթքի դպրոցի շենքը ու վարչական ղեկավարի նստավայրը»։

Համայնքապետարանից մեզ ներկայացրեցին նաև, որ Կութում վնասվել է 10 բնակարան, ինչպես նաև վարչական ղեկավարի նստավայրը ու մի ջերմոց։

«Վերին Շորժայում վնասվել է 2 բնակարան։ Այս բոլոր համայնքներում ընդանուր վնասը կազմում է մոտավոր 300 միլիոն դրամ»,-հավելեցին Վարդենիսի քաղաքապետարանից։

Արա Ալոյան

Այս թեմայով Շենգավիթի քննչական բաժնում անձին խոշտնգելու վերաբերյալ տեղեկությունները իրականությանը չեն համապատասխանում. ՔԿ ՄԻՊ-ը՝ Շենգավիթ վարչական շրջանի քննչական բաժնում խոշտանգման դեպքի մասին Շենգավիթի քննչական բաժնում խոշտանգման դեպքի հետևանքները Փաշինյանի Տավուշ կատարած վերջին այցը նպատակ ուներ «սրբագրել» Ոսկեպար կատարած նախորդ այցի սխալները. Աբրահամյան Մինչև վերջին վայրկյանները գաղտնի պահված «փակ» հանդիպում. «Փաստ» Դուբայում գրանցվել են ամենաշատ տեղումները վերջին 75 տարվա ընթացքում (լուսանկարներ) ՈՒՂԻՂ. Պայթեցնում են ՊՆ նախկին վարչական շենքը Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ Նոր Նորք վարչական շրջանում զբոսայգիները հիմնանորոգվում են «Նոր Արտամետի միջնակարգ դպրոց» ՊՈԱԿ-ում գործարկվելու է էլեկտրական շչակ