Ի՞նչն է միավորում «Ապրելու երկիր» և ՀԱԿ կուսակցություններին․ Մանե Թանդիլյանը փակագծեր է բացում
Քաղաքական«Ապրելու երկիր» և «Հայ Ազգային Կոնգրես» կուսակցություններն Ալավերդի համայնքի կառավարման հարցով հուշագիր են ստորագրել։ Դրանով փաստորեն որոշված են երկու կուսակցությունների ներկայացուցիչների հանձնառությունները՝ Ալավերդի քաղաքի և ընդհանուր համայնքի ղեկավարման հստակ բաշխմամբ։
Կարելի՞ է ասել, որ քաղաքական երկու ուժերի համագործակցությունը հետագայում կարող է ավելի սերտ լինել և ներքաղաքական նոր դաշինքի հեռանկար ունենալ։
«Նման քննարկում չենք ունեցել։ Քննարկվել է Ալավերդի համայնքի զարգացման շուրջ համագործակցության հեռանկարը»։
Այս մասին ԼՈՒՐԵՐ․com-ին ասաց «Ապրելու երկիր» կուսակցության համահիմնադիր, նախագահ Մանե Թանդիլյանը։
Նրա խոսքով, իրենց առաջնահերթություններից է՝ համայնքների զարգացումը․
«Վստահ ենք, որ երկիրը սկսվում է հենց համայնքներից, հենց համայնքներում ապրող մարդիկ են, որ պահում են պետությունը»,-ընդգծեց քաղաքական գործիչը։
Արա Ալոյան