Արևմուտքի ռազմական աջակցությունն Ուկրաինային հղի է միջուկային տերությունների բախմամբ. Ռուսաստանի ԱԳՆ

Ելույթ ունենալով ՄԱԿ-ի Գլխավոր ասամբլեայի առաջին կոմիտեի նիստում` ՌԴ ԱԳՆ Զենքի չտարածման և վերահսկողության վարչության պետի տեղակալ Կոնստանտին Վորոնցովը թվարկել է Արևմուտքի գործողությունները, որոնք կարող են հանգեցնել միջուկային ուժերի ուղղակի ռազմական բախման՝ «հետագա բոլոր աղետալի հետեւանքներով»։ Այս մասին հայտնում է ՏԱՍՍ-ը։

Ըստ Վորոնցովի՝ խոսքը գնում է արևմտյան քաղաքական գործիչների՝ մարտի դաշտում ռուսական զորքերին ջախջախելու հայտարարության, Կիևի ռեժիմին զենքի, այդ թվում՝ «առաջադեմ հրթիռային համակարգերի», հետախուզական տվյալների և ռազմական և քաղաքացիական օբյեկտների կոորդինատների տրամադրման, Ուկրաինայի զինված ուժերի, արևմտյան վարձկանների, խորհրդականների և քաղաքացիական անձանց անմիջական ներգրավվածության մասին։

«Սա հղի է էսկալացիայով ընդհուպ մինչև միջուկային տերությունների անմիջական ռազմական բախում` դրանից բխող բոլոր աղետալի հետևանքներով», - մեջբերում է գործակալությունը Վորոնցովի խոսքերը:

Դիվանագետն ընդգծել է, որ Ռուսաստանը նման քաղաքականությունը համարում է «անպատասխանատու և կործանարար»։

Ավելի վաղ Մեծ Բրիտանիայի պաշտպանության նախարար Բեն Ուոլեսը «շատ անհավանական» էր անվանել Ռուսաստանի կողմից Ուկրաինայում միջուկային զենք օգտագործելու հնարավորությունը։

Նրա խոսքով՝ Չինաստանի եւ Հնդկաստանի ղեկավարների հետ վերջերս կայացած հանդիպմանը ՌԴ նախագահ Վլադիմիր Պուտինին «հստակ հասկացրել է, թե ինչն է ընդունելի, ինչը՝ անընդունելի»։

Նա նաև հավելել է, որ Կրեմլը «չափազանց տհաճ» զգացումներ կունենար՝ իմանալով, թե որ պետություններն են գաղտնի օգնում Լոնդոնին Կիևի իշխանություններին ռազմական օգնություն ցուցաբերելու հարցում։

Նա ընդգծել է, որ «աշխարհում ոչ մի երկիր, նույնիսկ նրանք, ովքեր, ինչպես Չինաստանը, դեռ հստակ դիրքորոշում չեն որդեգրել, չեն համաձայնի այս հարցը հենց այնպես բորբոքել»։

Այս թեմայով Ռուսաստանը հարցում կուղարկի Ալեն Սիմոնյանի՝ Ռուսաստանի Դաշնության հասցեին հնչեցրած մեղադրանքների վերաբերյալ Չպետք է թույլ տանք, որ պատմությունը կրկնվի․ ԵԽ զեկուցողն իր աջակցությունն է հայտնել աշխարհասփյուռ հայերին Ադրբեջանը Ռուսաստանի մեծ բարեկամն ու դաշնակիցն է. Պեսկով ԱՄՆ Կոնգրեսի Ներկայացուցիչների պալատը հավանություն է տվել Ուկրաինային ռազմական և ֆինանսական օգնության ծախսերի վերաբերյալ Մահացել է «Իզվեստիայի» ռազմական թղթակիցը ԱՄՆ Ուկրաինային 61 մլրդ դոլարի ռազմական օգնություն կտրամադրի Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Ռուսաստանում ռազմական ինքնաթիռ է կործանվել. անձնակազմի անդամներից մեկը կորել է (լուսանկարներ, տեսանյութ) Հարավային Կորեան 200 մլն դոլարի մարդասիրական օգնություն կտրամադրի Ուկրաինային Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը