Համախմբման յուրաքանչյուր քայլ Արցախում փրկության հույս է առաջացնում․ արցախցի պատգամավորը՝ Վեհափառի և նախագահների հանդիպումների մասին

Ամենայն Հայոց Կաթողիկոսը գնահատում է ՀՀ և ԼՂՀ նախագահների պատրաստակամությունը՝ հայտնի հանդիպման ձևաչափով արծարծելու երկրի առջև ծառացած մարտահրավերները և դրանց հաղթահարման հնարավոր ուղիները։ Այս մասին Facebook-ի իր էջում գրել է Մայր աթոռի տեղեկատվական համակարգի ղեկավար Եսայի քահանա Արթենյանը: «Վեհափառ Հայրապետը առանձին քննարկումներ կունենա նախագահների հետ, որոնց արդյունքում կհստակեցվի այս ձևաչափով հանդիպումների շարունակությունը»,-նշել է նա:

Մեր դիտարկմանը, թե ինչպե՞ս են վերաբերում Արցախում այս ձևաչափին և ի՞նչ ակնկալիքներ ունի արցախահայությունը այս համատեքստում, Արցախի խորհրդարանի «Արդարություն» խմբակցության պատգամավոր Մետաքսե Հակոբյանը ԼՈՒՐԵՐ․com-ին ասաց հետևյալը․

«Արցախի սուբյեկտայնությունը դեռ երբեք այսքան ցածր չի եղել, Արցախի ու արցախցու խնդիրները, ձայնն ու մոտեցումներն աշխարհի համար դեռ երբեք այսքան անտեսանելի ու աննկատ չեն եղել: Դրան նպաստում են Հայաստանի իշխանության կողմից Արցախի սուբյեկտայնությանը շարունակաբար հասցվող հարվածները»: 

Արցախցի խորհրդարանականի համոզմամբ, առավել քան երբևէ, այսօր անհրաժեշտ է համախմբվել, ոտքի կանգնել ու թույլ չտալ Արցախի հայաթափում, թույլ չտալ Արցախի շահերի անտեսում, թույլ չտալ Արցախի քաղաքացու իրավունքների ոտնահարում: 

«Միասնականության ու համախմբան յուրաքանչյուր քայլ Արցախում փրկության հույս է առաջացնում: Ձևաչափը միանշանակ դրական արձագանք ունի, քանզի Արցախում մեկ կարծիք կա, որ առավել քան երբևէ՝ այսօր մեզ անհրաժեշտ է համայն հայության լայն համախմբում՝ Հանուն Արցախի Պաշտպանության»,-շեշտեց մեր զրուցակիցը։

Համախմբում ոչ թե անհատների կամ քաղաքական ուժերի շուրջ, այլ գիտակցության, որ Հայրենիքը միակն է, անփոխարինելի և այն կարիք ունի պաշտպանության, հավելեց Մետաքսե Հակոբյանը։

Արա Ալոյան

Այս թեմայով ՄԻՊ-ը՝ Շենգավիթ վարչական շրջանի քննչական բաժնում խոշտանգման դեպքի մասին ՌԴ-ն Հայաստանից հստակ արձագանք է ակնկալում ռազմաքաղաքական տեղեկատվության արտահոսքի մասին Մենք զգուշացրել ենք հարևան երկրներին Իսրայելի դեմ գործողությունների մասին. Աբդոլլահիան Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Դա դեռ հարց ա՝ էդպես ա եղել, թե չէ. Երևանի ոստիկանապետը՝ Սամվել Վարդանյանին խոշտանգելու մասին Քննարկում՝ «Տեսալսողական մեդիայի մասին» օրենքում փոփոխությունների շուրջ Ֆրանսիայի առաջին տիկին Բրիջիթ Մակրոնի մասին սերիալ կնկարահանվի (լուսանկարներ) Հայաստան մտնող ցորենի 99%-ը ներկրվում է ՌԴ-ից, պարենային անվտանգության հարցերի մասին պիտի խոսե Դատաբժշկական քննություն թող անեն, պարզեն՝ խոշտանգում եղե՞լ է․ Ասլանյանը խոշտանգված երիտասարդի մասին Դատախազությունից պահանջում ենք բացել աչքերը և քայլեր ձեռնարկել․ ՀՀԿ ԳՄ-ն՝ քաղաքացու խոշտանգման մասին