Տիգրան Ավինյանն աշխատանքային շրջայցերը սկսում է վթարային շենքերից

Մայրաքաղաքում առկա 4-րդ կարգի վթարայնության շենքերի խնդիրը  քննարկումներից  կտեղափոխվի գործնական փուլ: Երևանի քաղաքապետի տեղակալ Տիգրան Ավինյանը վարչական շրջաններ աշխատանքային այցերի մեկնարկը տալիս է հենց վթարային շենքերից. առաջնահերթը բնակիչների անվտանգությունն է, այս մասին հաղորդագրություն է տարածել Երևանի քաղաքապետարանը: 

«Աջափնյակ վարչական շրջանում մենք ունենք բազմաթիվ շենքեր, որոնք վթարայնության աստիճանով հասել են մի մակարդակի, որն իրապես անվտանգ չի բնակիչների համար: Այսօր մենք այցելել ենք Արզումանյան 10 և 17 շենքեր, որոնց առումով բավականին երկար ժամանակ քննարկումներ են լինում, բայց գործնական լուծումներ չեն տրվել, և կարծում եմ՝ այս կետից սկսած մենք ավելի գործնական լուծումների պետք է անցնենք»,-նշում է Տիգրան Ավինյանը:

Օրեցօր ավելացող ճաքեր ու թափվող քարեր. դեռևս 1960-ական թվականներին կառուցված շենքերում բնակիչները վախի մթնոլորտում են ապրում: Խնդրի լավագույն լուծումը համայնք-մասնավոր գործակցությունն է: Փոխքաղաքապետ Ավինյանը բազմաբնակարան շենքեր է այցելել հնարավոր կառուցապատողների հետ:

«Երևանում ակտիվ է շինարարության ոլորտը, ցանկացողները շատ են,  և այս տեսակի շենքերի խնդիրների լուծումը նաև հնարավորություն է բոլոր կառուցապատողների համար՝ իրականացնելու իրենց բիզնես ծրագրերը: Այս պահի դրությամբ կա կառուցապատող, ով պատրաստ է իր վրա վերցնել որոշակի բեռ, քանի որ հրատապություն կա այս խնդրում, այդ պատճառով ենք այս լուծման տարբերակով գնում, բայց ընդհանուր առմամբ՝ բոլոր շենքերի առնչությամբ մենք մեծ ծրագիր ենք ունենալու և շահագրգռելու ենք բոլոր հնարավոր կառուցապատողներին, ովքեր ունեն այդ կարողությունը»,- նկատում է փոխքաղաքապետը:   

Կառուցապատողները բնակիչների հետ կքննարկեն մի շարք լուծումներ: Այստեղ, իհարկե, շատ կարևոր է ընդհանուր համաձայնությունը, բայց, հաշվի առնելով խնդրի հրատապությունը, համայնքը հստակ քայլեր կանի, որպեսզի շուրջ 70 բնակարանում ապրող բնակիչների համար օր առաջ անվտանգ պայմաններ ստեղծվեն:  

«Մարդիկ պետք է հասկանան, որ դա մեկ կամ երկու մուտքի խնդիր չէ, այլ ամբողջ շենքի, որովհետև, որքան հասկացա, այս շենքերում այդպիսի բաժանումներ կան: Մենք համալիր լուծում պետք է տանք, և որտեղ կարիքը կա մի փոքր կոշտ լինելու, պետք է կոշտ լինենք: Այսպես թե այնպես, այս շենքերը պետք է ճանաչվեն գերակա շահ, որովհետև դրանք արդեն վտանգված են և բնակիչները պետք է տարհանվեն: Իհարկե, ցանկալի է միշտ առաջ գնալ նորմալ լուծումների փնտրտուքով, բայց որտեղ պահանջները խելամիտ չեն լինի՝ զուգահեռաբար կգնա գործընթացը»,- նշում է Երևանի քաղաքապետի տեղակալը:

Երևանի հ. 41 մանկապարտեզը ևս վթարայնության խնդիրներ ունի: Նախագծային աշխատանքներն ընթացքում են: Պատասախանատուները նշում են՝ շենքի ամրացմանը զուգահեռ փոքրիկների համար նաև հարմարավետ պայմաններ կապահովվեն:

Շրջայցի ընթացքում փոխքաղաքապետը եղավ նաև թաքստոցային տարածքներում, ծանոթացավ բնակիչների համար ստեղծված պայմաններին:

Այս թեմայով Տիգրան Ավինյանի «ռեյդը» երևանցիների դեմ Երբ ադրբեջանցիները կսկսեն վերադառնալ իրենց նախկին բնակավայրերը, սկսելու է կինոն․ Տիգրան Քոչարյան Ընդդիմություն, սկսի՛ր անվստահության գործընթաց և վարչապետի թեկնածու առաջադրիր Միքայել արք․ Աջապահյանին․ Տիգրան Աթանեսյան Տիգրան Խաչատրյանն ընդունել է ԵԱՀԿ Մինսկի խմբի Ֆրանսիայի համանախագահին Ավինյանի որոշմամբ՝ Շենգավիթում 22 ավտոտնակ կքանդվի Վարդան Ղուկասյանը սկսում է փողոցային պայքար. ապրիլի 18-ից կլինեն կոնկրետ գործողություններ Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ Պուտինի երդմնակալությանը մասնակցելու համար աշխատանքային հարցեր կան, քննարկում ենք Պուտինը Տիգրան Քեոսայանին շնորհել է ՌԴ վաստակավոր արտիստի կոչում Վթարային ջրանջատում Արմավիր քաղաքում ապրիլի 12-ին