ՆԱՏՕ-ի գլխավոր քարտուղարը ստացել է դաշինքին անդամակցելու Ուկրաինայի դիմումը

Ուկրաինայի նախագահ Վլադիմիր Զելենսկու գրասենյակի ղեկավարի տեղակալ Իգոր Ժովկվան ճեպազրույցի ժամանակ ասել է, որ ՆԱՏՕ-ի գլխավոր քարտուղար Յենս Ստոլտենբերգը ստացել է Հյուսիսատլանտյան դաշինքին միանալու Կիևի դիմումը, փոխանցում է РИА Новости-ն։

«Այսօրվա դրությամբ Գլխավոր քարտուղարը դիմումը ստացել է պաշտոնապես՝ Ուկրաինայից նոտայի միջոցով»,- ասել է նա։

Ժովկվայի խոսքով՝ հաջորդ փուլը կլինի այս հայտի քննարկումը Հյուսիսատլանտյան խորհրդի, այսինքն՝ Բրյուսելում ՆԱՏՕ-ի անդամ երկրների դեսպանների մակարդակով։

Ավելի վաղ Զելենսկին ասել էր, որ Ուկրաինան արագացված հիմունքներով դիմել է ՆԱՏՕ-ին անդամակցելու համար։ Նրա խոսքով՝ Կիևը և դաշինքն արդեն «դե ֆակտո դաշնակիցներ» են, սակայն այս կարգավիճակը պետք է փաստաթղթավորվի։

ՆԱՏՕ-ն պատասխանել է, որ դաշինքին միանալ ցանկացող յուրաքանչյուր երկիր պետք է հետևի սահմանված ընթացակարգին, երբ նրա թեկնածությունը միաձայն հաստատվի 30 անդամ երկրների կողմից։ Միաժամանակ, Սպիտակ տունը կարծում է, որ Ուկրաինայի անդամակցությունը ՆԱՏՕ-ին պետք է քննարկվի մեկ այլ ժամանակ։

Այս թեմայով Ռուսաստանի և ՆԱՏՕ-ի միջև բախումն անթույլատրելի է. Շոլց ՆԱՏՕ-ն ողջունում է Հայաստանի և Ադրբեջանի համաձայնությունը. Կոլոմինա ՆԱՏՕ-ն հակաօդային պաշտպանության բարելավման նպատակով զորավարժություն կանցկացնի ԱՄՆ Կոնգրեսի Ներկայացուցիչների պալատը հավանություն է տվել Ուկրաինային օգնելու օրինագծին Պենտագոնի ղեկավարը հայտնել է, թե ինչ է Ուկրաինան խնդրել ԱՄՆ–ից ԱՄՆ–ն ​​չի օգնի Ուկրաինային խոցել օդային թիրախները, ինչպես օգնեց Իսրայելին․ Ջոն Քիրբի Թուրքիան Ռուսաստանին և Ուկրաինային խաղաղության պայմանագրի նոր նախագիծ է առաջարկել ՆԱՏՕ-ի փլուզումն աղետ կլինի ամբողջ աշխարհի համար. Բայդեն ԱՄՆ-ն կարող է ևս 100 միլիարդ դոլար հատկացնել Ուկրաինային Պետդեպում հայտնել են՝ երբ Ուկրաինան կկարողանա անդամակցել ՆԱՏՕ–ին