Բայդենը հիասթափություն է հայտնել նավթի արդյունահանումը կրճատելու ՕՊԵԿ+-ի որոշման կապակցությամբ

ԱՄՆ նախագահ Ջո Բայդենը հիասթափություն է հայտնել նավթի արդյունահանումը կրճատելու ՕՊԵԿ+-ի երկրների որոշման կապակցությամբ եւ ասել է, որ ԱՄՆ-ն այլընտրանքային տարբերակներ է դիտարկում։

Չնայած այս որոշմանը, Բայդենը վստահեցրել է, որ չի զղջում Սաուդյան Արաբիա իր ամառային ուղեւորության համար, որը, նրա խոսքով, կենտրոնացած էր Մերձավոր Արեւելքի վրա։

ՕՊԵԿ+-ը համաձայնել է կտրուկ կրճատել նավթի արդյունահանումը, զսպելով առաջարկն առանց այն էլ լարված շուկայում եւ բարձրացնելով բենզինի թանկացման հավանականությունը նոյեմբերին կայանալիք ԱՄՆ միջանկյալ ընտրություններից անմիջապես առաջ:

«Մենք կտեսնենք, թե ինչ այլընտրանքներ կարող ենք ունենալ»,- Սպիտակ տանը լրագրողներին ասել է Բայդենը՝ պատասխանելով ՕՊԵԿ-ի որոշման մասին հարցին:

«Այլընտրանքները շատ են։ Մենք դեռ չենք որոշել»,- հավելել է Բայդենը։

Հարցին, թե արդյոք զղջում է Սաուդյան Արաբիա մեկնելու իր որոշման համար, Բայդենը պատասխանել է, որ այդ ուղեւորությունը կապված չէր նավթի հետ: «Ուղեւորությունը նվիրված էր Մերձավոր Արեւելքին, Իսրայելին եւ... դիրքորոշումների ռացիոնալացմանը»,- նշել է նա: «Սակայն սա հիասթափություն է»,- ասել է նա ՕՊԵԿ+-ի որոշման վերաբերյալ:

Այս թեմայով Հորեղբորս մարմինը այդպես էլ չգտնվեց՝ Նոր Գվինեայի մարդակերների պատճառով. Բայդեն Որքան եկամուտ են ունեցել Բայդեն ամուսինները անցած՝ 2023 թվականին Բայդենը նախատեսվածից շուտ վերադարձել է Սպիտակ տուն՝ Մերձավոր Արևելքում տիրող իրավիճակի պատճառով Բայդենը կոչ է արել Իրանին չհարձակվել Իսրայելի վրա ՆԱՏՕ-ի փլուզումն աղետ կլինի ամբողջ աշխարհի համար. Բայդեն Վաշինգտոնը ցանկացած օգնություն կտրամադրի Իսրայելին՝ հետ մղելու Իրանի սպառնալիքները. Բայդեն Գազայում Նեթանյահուի մոտեցումը սխալ է. Բայդեն 81-ամյա Բայդենը հայտարարել է, որ 77–ամյա Թրամփը «մի փոքր ծեր է» Բայդենը սպառնացել է Ռուսաստանին Բայդենը մեկնաբանել է Բալթիմորում տեղի ունեցած միջադեպը