ՈւՂԻՂ. Ալավերդիի նորընտիր ավագանու 1–ին նիստին համայնքապետի պաշտոնում առաջադրվեց Արկադի Թամազյանի թեկնածությունը

Լոռու մարզի Ալավերդի խոշորացված համայնքում այսօր՝ հոկտեմբերի 12–ին, տեղի է ունենում նորընտիր ավագանու առաջին նիստը։

Օրակարգում համայնքի ղեկավարի ընտրության, համայնքի ղեկավարի երդման արարողության կազմակերպչական հարցերի, համայնքի ավագանու առաջին նստաշրջանի հերթական գումարման օրը սահմանելու, եւ նորընտիր ավագանու խմբակցություններ ստեղծելու մասին հարցերն են։

«Ապրելու երկիր» կուսակցությունն առաջադրեց ընտրական ցուցակը գլխավորող Արկադի Թամազյանի թեկնածությունը։ ՔՊ–ն եւ ՀԱԿ–ը թեկնածուներ չառաջադրեցին։

Հիշեցնենք՝ սեպտեմբերի 25–ին Ալավերդիում անցկացված ՏԻՄ ընտրություններում քաղաքական 4 ուժերից ոչ մեկին չէր հաջողվել 50 տոկոսից ավելի ձայն ստանալ։ «Ապրելու երկիր» եւ «Քաղաքացիական պայմանագիր» կուսակցությունները ստացել են 13–ական մանդատ, իսկ «Հայ ազգային կոնգրեսը» թեեւ չէր հաղթահարել անցողիկ շեմը, բայց օրենքի ուժով՝ 1 մանդատ ստացավ, որովհետեւ համաձայն օրենքի, համայնքի կառավարումը պետք է կազմված լինի երեք ուժից։

Ընտրություններից մեկ շաբաթ անց «Ապրելու երկիր» եւ «Հայ Ազգային Կոնգրես» կուսակցություններն Ալավերդի համայնքի կառավարման հարցով հուշագիր ստորագրեցին։ Կուսակցությունները համատեղ հայտարարությամբ հայտնեցին, որ համայնքի ղեկավարի թեկնածու են առաջադրում եւ ընտրում «Ապրելու երկիր» կուսակցության ցուցակի առաջին համար Արկադի Թամազյանին, համայնքի ղեկավարի առաջին տեղակալի թեկնածու են առաջադրում եւ ընտրում «Հայ Ազգային Կոնգրես» կուսակցության ցուցակի երկրորդ համար Տիգրան Պապոյանին, համայնքի ղեկավարի տեղակալի պաշտոնում նշանակվում է «Հայ Ազգային կոնգրես» կուսակցության ներկայացուցիչ Սասուն Վարդումյանը։

Օձուն, Շնող, Մեծ Այրում, Ծաթեր, Այգեհատ բնակավայրերի ղեկավարումը կստանձնեն «Հայ Ազգային կոնգրես» կուսակցության ներկայացուցիչները, մնացած բնակավայրերի ղեկավարումը՝ «Ապրելու երկիր» կուսակցության ներկայացուցիչները։

Ալավերդի խոշորացված համայնքում իշխող «Քաղաքացիական պայմանագիր» կուսակցության ընտրական ցուցակը գլխավորող Արեն Մկրտչյանը ինքնաբացարկ է հայտնել։ Նա ԱԺ «Քաղաքացիական պայմանագիր» խմբակցության պատգամավոր է։

Այս թեմայով ՔՊ-ական Նարեկ Մանուկյանի ամսական աշխատավարձը 2մլն դրամով գերաազանցում է Փաշինյանի ամսական աշխատավարձին Ջրագծի վթար Վանաձոր-Ալավերդի ավտոճանապարհին ՈւՂԻՂ. Երևանի ավագանին նիստ է անում Կգումարվի ԱԺ արտահերթ նիստ ՄԱԿ-ի ԱԽ-ն հրատապ նիստ կանցկացնի Իրանի կողմից Իսրայելին հասցված հարվածների առնչությամբ «Հրապարակ». ԱԺ-ն արտահերթ նիստ կհրավիրի ՀՀ ԱԺ ութերորդ գումարման յոթերորդ նստաշրջանի հերթական նիստ Ողբերգական դեպք՝ Լոռու մարզում․ Ալավերդի քաղաքի տներից մեկում հայտնաբերվել է 16-ամյա երեխայի մարմին ՈՒՂԻՂ․ Ազգային ժողովը շարունակում է նիստի աշխատանքները ՈՒՂԻՂ. Աշոտյանի գործով դատական նիստ. քննարկվում է խափանման միջոցի վերանայման հարցը