Իրանը շարունակում է «դեղին քարտ» ցույց տալ Ադրբեջանին՝ ցույց տալով իր անվտանգության «կարմիր գծերը»․ տեսակետ

Իրանի արտաքին գործերի նախարար Հոսեյն Ամիր Աբդոլլահյանը իր ադրբեջանցի իր գործընկերոջ հետ հեռախոսազրույցի ընթացքում Կովկասում օտար ուժերի ներկայությունն անվանել է տարածաշրջանի պետությունների ընդհանուր մտահոգությունը։ Նա ընդգծել է Իրանի անհամաձայնությունը՝ տարածաշրջանում որեւէ օտար ուժի տեղակայման հետ։ 

Արդյո՞ք, խոսքը վերաբերում է հայ-ադրբեջանական սահմանի հայկական հատվածում ԵՄ քաղաքացիական առաքելության տեղակայման մասին է (Ադրբեջանը հրաժարվել է իր տարածքում տեղակայել ԵՄ դիտորդական ներկայացուցիչներին), թե՞ Թեհրանն այլ մտահոգություններ ունի․

«Աբդոլլահյանի խոսքը վերաբերում է ոչ թե հայ-ադրբեջանական սահմանին ԵՄ քաղաքացիական առաքելության հնարավոր տեղակայմանը, այլ ադրբեջանի սահմանին՝ Լանքերանում, ահաբեկիչների և իսրայելական ուժերի տեղակայումներին»,-նշեց իրանագետ Հարություն Արթին Առաքելյանը։

ԼՈՒՐԵՐ․ com-ի զրուցակցի խոսքով, վերջին 15 օրերին ականատես ենք լինում, թե ինչպես է Իրանը հուժկու հարվածներ հասցնում, ռմբակոծում Իրաքի Քրդստանին, հայտնելով, որ այդ հատվածում կուտակվել է շուրջ 17,000 քուրդ զինյալ։ Նրանց նպատակը, ըստ իրանագետի, Ադրբեջանի սահմանին որևէ բան տեղի ունենալու դեպքում՝ Իրանին հարվածներ հասցնելն էր՝ տարածաշրջանը փակուղու մեջ դնելով։

«Այդ է պատճառը, որ Իրանը զինաթափեց Իրաքի քուրդ զինյալներին և այժմ իրանական զինված ուժերն արդեն օդային պարեկություն են անում Ադրբեջանի հետ սահմանին, ինչպես նաև զորավաժանքներ անցկացնում տվյալ տարածքում։ Իրանի ԱԳ նախարարի խոսքն՝ ուղղված Ջեյհուն Բայրամովին, վերաբերում էր Ադրբեջանի կողմից Արցախի գրավյալ տարածքներում կուտակումներին։ Հենց այդ մտահոգությունն է, որ ցանկանում է Թեհրանը փոխանցել Ադրբեջանին, ընդգծելով, որ Իրանը կարող է գործողության անցնել նաև Ադրբեջանում, եթե նման կուտակումները շարունակվեն»,-եզրափակեց Առաքելյանը։

Արա Ալոյան

Այս թեմայով Մուշի Սուրբ Առաքելոց վանքի Կարմիր Ավետարանը բերվեց Հովհաննավանք (տեսանյութ) ՀՀ-ի ճանաչված սահմանները Իրանի համար կարմիր գիծ են. դեսպան Բացառիկ կադրեր. «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը Փաշինյանի համար կարմիր գիծն իր աթոռն ու շրջապատի բարեկեցությունն են, ՀՀ-ն տանում են կառափնարան Գլխավոր դատախազն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին «Տավուշի գյուղերի հանձնման դեպքում վտանգվում է Կարմիր Կամուրջ-Սևքար-Բերդ մայրուղային գազատարը. Բաքուն կարող է հանդես գալ գազամուղը գնելու նախաձեռնությամբ» Պակիստանում արգելվել է պաշտոնական միջոցառումների ժամանակ կարմիր ուղեգորգ օգտագործել Տիգրան Մեծի համար «կարմիր գիծ էին» բոլոր այն տարածքները, որոնք հայաբնակ էին և մեծամասնությամբ հայ բնակչություն ունեին. «Մեր պատմությունը» նախագիծ Պատվավոր հյուպատոսների տրանսպորտային միջոցներին հատկացվելու են «H» տառը պարունակող կարմիր հիմնագույնի համարանիշեր. «Փաստ» «Կարմիր ալիք» է պետք, այլապես Ամերիկայի վերջը կգա. Մասկ