«Հրապարակ». Պապիկյանն շտապել է. նախագիծը դեռ պատրաստ չէ

«Հրապարակ» թերթը գրում է. «Կառավարության անցյալ շաբաթվա նիստին պաշտպանության նախարարը խոսեց եռամսյա հավաքներից հրաժարվելու եւ դրանք 25-օրյա հավաքներով փոխարինելու մասին․ «Հավաքները դառնում են 25-օրյա, իրականում 21 օրն է հիմնական ծառայությունը, 25 օրը՝ կազմակերպական հատվածը նաեւ ապահովելու համար։ Յոթ օր քաղաքացին անցնում է պատրաստություն, 14 օր իրականացնում է մարտական հերթապահություն: Շուտով կարգը կլինի, մենք դրա մասին կհայտարարենք»։ Պապիկյանի այս հայտարարությունից հետո իրարանցում սկսվեց՝ մարդիկ սկսեցին հետաքրքրվել, թե ում են տանելու, երբ, ինչպես։ Բայց պարզվեց՝ սա ընդամենը գաղափար է, որը դեռ պետք է դառնա նախագիծ, ընդունվի, նոր ուժի մեջ մտնի։

ՊՆ մամուլի խոսնակը մեզ հայտնեց, որ նախագիծը դեռ շրջանառության մեջ դրված չէ, մշակված չէ, ընդունված չէ։ Երբ պատրաստ լինի, կհրապարակեն։ Այս պահին հայտնի էլ չէ, թե երբ է պատրաստ լինելու։ Հիմա երկամսյա հավաքներ են, որը մինչեւ նոյեմբերի 22-ն է տեւելու։ Իսկ մյուս վարժական հավաքների մասին կառավարությունն արդեն առանձին որոշում կկայացնի։

Ստացվում է՝ այս իշխանությունները դարձյալ շտապեցին, դեռ որոշումը չկայացրած, դեռ անգամ նախագիծը չմշակած՝ հայտարարեցին ինչ-որ բան, աղմուկ բարձրացավ, խուճապ առաջացավ, իսկ իրենք մարդկանց նորմալ չբացատրեցին, որ սա դեռ իրենց գլխում է՝  գործնական որեւէ քայլ այս ուղղությամբ առայժմ արված չէ»:

Այս թեմայով Սուրեն Պապիկյանը հեռախոսազրույց է ունեցել ԱՄՆ պաշտպանության քարտուղարի տեղակալի հետ Պաշտպանության նախարարը և ԶՈՒ ԳՇ պետը հանդիպել են ուսումնական գումարտակի զինծառայողների հետ «Փաստ». Փաշինյանը ցանկանում է ազատվել Սուրեն Պապիկյանից «Հրապարակ». Սուրեն Պապիկյանը կպատժվի՞ Ծնվել է Սուրեն Պապիկյանի առաջնեկը ՔՊ-ն իր առաջ խնդիր չի դրել բոլոր տեղերում հաղթել ու միայն հաղթել․ սա ձեռքբերում է․ Պապիկյան (տեսանյութ) Սուրեն Պապիկյանի աշխատանքային այցը Հնդկաստան ավարտվել է Հնդկաստանում Սուրեն Պապիկյանն այցելել է Գանդինագարում բացված DEFEXPO ցուցահանդես Սուրեն Պապիկյանը մեկնել է Հնդկաստան «Հրաժարվում ենք եռամսյա հավաքներից, դրանք դառնում են 25-օրյա․ 14 օրը մարտական հերթապահություն կլինի»