«Ժողովուրդ». Դատավորի մասով ԲԴԽ նախագահն իրավապահներին նախնական համաձայնություն է տվել

«Ժողովուրդ» օրաթերթը գրում է. Նիկոլ Փաշինյանի իշխանության օրոք դատարաններում բազմապիսի վերաձեւավորումներ եղան: Բարձրագույն դատական խորհրդի նախագահի պաշտոնակատար Գագիկ Ջհանգիրյանի ջանքերով առանձնացան դատավորներ, որոնք քննում են բացառապես մինչդատական վարույթների գործերը: Մասնագիտական հանրույթը այդ դատավորներին որակել է իբրեւ իշխանության համար կալանք տվող դատավորներ: Եւ, ահա, այդպիսի դատավորներից մեկը՝ Արուսյակ Ալեքսանյանը, որ հոկտեմբերի 17-ին ձերբակալվեց, թեեւ իշխանությունների հրահանգները անվրեպ կատարել է, բայց դարձավ նույն իշխանության համար կոռուպցիայի դեմ պայքարի վիճակագրություն:

Վանաձորի հաղթած քաղաքապետ Մամիկոն Ասլանյանին, հասարակական գործիչ Ավետիք Չալաբյանին, պրոդյուսեր Արմեն Գրիգորյանին իշխանության պատվերով կալանավորած դատավոր Ալեքսանյանին կալանավորելուց առաջ ՀՀ ԲԴԽ նախագահ Կարեն Անդրեասյանին իրավապահները նախապես տեղյակ են պահել: «Ժողովուրդ» օրաթերթը իր լավատեղյակ աղբյուրներից տեղեկացավ, որ նախնական համաձայնություն ԲԴԽ նախագահը տվել է իրավապահներին, որ ԲԴԽ-ն կթույլատրի կալանավորել դատավորին:

Եւ այդ վստահությամբ էլ երեկ երեկոյան սկսվեց դատավորի խափանման միջոցի վերաբերյալ միջնորդության քննարկումը: Ճակատագրի հեգնանքով իր գործընկերոջը կալանավորելու կամ ազատ արձակելու հարցը քննում էր «կալանք տվող» մեկ այլ դատավոր Արշակ Մաթեւոսյանը։ Երեկ՝ թերթը տպարան ուղարկելու ժամանակ, դեռ որոշում առկա չէր»:

Այս թեմայով Արուսյակ Ալեքսանյանի օգնականի կալանավորման որոշման դեմ բողոքը կքննի Արմեն Բեկթաշյանը՝ գրավոր ընթացակարգով «Հրապարակ». Արուսյակ Ալեքսանյանի կալանավորված 22-ամյա օգնականը ընկճված չէ «Ժողովուրդ». Արուսյակ Ալեքսանյանի կալանավորումից առաջ ուշագրավ գործընթաց է սկսվել Դատարանը հրապարակել է Արուսյակ Ալեքսանյանին և Էրիկ Ալեքսանյանին կալանավորելու միջնորդության որոշումը Դատավոր Արուսյակ Ալեքսանյանը կկալանավորվի «Ժողովուրդ». Առաջիկայում աղմկահարույց ձերբակալություններ են սպասվում