Մեր գլխավոր նպատակներից մեկը նոր քրեակատարողական հիմնարկի կառուցումն է. Գրիգոր Մինասյան

«Արդարադատության նախարարության և Քրեակատարողական ծառայության կողմից բարեփոխումների մեկնարկը տրված է: Մեր գլխավոր նպատակներից մեկը նոր քրեակատարողական հիմնարկի կառուցումն է, որի համար արդեն իսկ կատարվել են որոշակի աշխատանքներ»: Այս մասին այսօր՝ հոկտեմբերի 19-ին, հայտարարել է արդարադատության նախարարի պարտականությունները կատարող Գրիգոր Մինասյանը՝ Քրեակատարողական ծառայության 103-ամյակին և Քրեակատարողական ծառայողի օրվան նվիրված միջոցառման ժամանակ:

Գրիգոր Մինասյանը շնորհավորել է աշխատակիցներին մասնագիտական օրվա կապակցությամբ. «Կառավարությունը պատրաստ է աջակցել յուրաքանչյուր նոր գաղափարի, որը հնարավորություն կտա բարձրացնել ծառայության արդյունավետությունը»:

Մինասյանն ընդգծել է, որ նոր քրեակատարողական հիմնարկի կառուցումը պետք է իրականացնել հնարավորինս արագ, որպեսզի թե՛ նախարարությունը, թե՛ քրեակատարողական ծառայությունը ունենա բարեփոխված նոր հիմնարկ, որը հարիր կլինի քրեակատարողական հիմնարկի աշխատակիցներին, իսկ դատապարտյալների պահման պայմանները կլինեն միջազգային չափանիշներին համապատասխան:

Քրեակատարողական ծառայության պետ, արդարադատության գեներալ-մայոր Սերգեյ Ատոմյանը շնորհակալություն է հայտնել Գրիգոր Մինասյանին՝ ներկա լինելու և աշխատակիցներին շնորհավորելու համար: Այնուհետև Ատոմյանը շնորհավորել է աշխատակիցներին՝ նշանակալի օրվա կապակցությամբ. «Քրեակատարողական ծառայողի ուժեղ կամքի, տոկունության, կամային բարձր հատկանիշների շնորհիվ կարողանում ենք հասնել հաջողության, պահպանել կարգ և կանոն քրեակատարողական հիմնարկներում: Մենք կարևորում ենք  նաև այն վերասոցիալականացման ծրագրերը, որոնք իրականացվում են մասնագետների կողմից, սա հնարավորություն է տալիս ազատությունից զրկված անձանց պատիժը կրելուց հետո վերաինտեգրվել հասարակությանն ու լինել օրինապահ քաղաքացիներ»:

Քրեակատարողական ծառայողի օրվա կապակցությամբ՝ Գրիգոր Մինասյանի հրամանով, ծառայողական պարտականությունները բարեխղճորեն կատարելու համար քրեակատարողական ծառայության պետ Սերգեյ Ատոմյանը պարգևատրվել է «Քրեակատարողական ծառայության հոբելյանական» մեդալով:

Միջոցառման ավարտին ծառայության 13 աշխատակից պարգևատրվել է կրծքանշանով, իսկ 6 ծառայող՝ արժանացել է խրախուսանքի։

Այս թեմայով Նիկոլ Փաշինյանին քրեական պատասխանատվության ենթարկելու պահանջով հաղորդում ներկայացվեց ՀՀ գլխավոր դատախազություն Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել Քրեակատարողական և Հարկադիր կատարումն ապահովող ծառայությունները ևս հարգանքի տուրք են մատուցել Հայոց ցեղասպանության զոհերի հիշատակին Հայաստանում մարդկանց են խոշտանգում, տարածքներ հանձնում ձեզ չի՞ մտահոգում․ լրագրողը՝ գլխավոր դատախազին Հրատապ․ տեղեկություններ կան, որ դիրքերից մեկը պատրաստվում են հանձնել Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Երբ 3-րդ կորպուսի հրամանատարը Գրիգորի Խաչատուրովն էր, ոչ մեկի մտքով չէր անցնում՝ սենց բան կլինի. Բագրատ Սրբազան (տեսանյութ) Հայաստանի գործունեությունը կազմակերպությունում շարունակվում է. ՀԱՊԿ գլխավոր քարտուղար Դեռ ժամանակ կա, շատ բան կարող է փոխվել. ՀԱՊԿ գլխավոր քարտուղարը՝ գագաթնաժողովին Փաշինյանի մասնակցության մասին ԶՈՒ գլխավոր շտաբի նախկին պետ Օնիկ Գասպարյանը Հակակոռուպցիոն դատարանում է․ Armlur