Փաստորեն, ցեմենտի որոշակի դեֆիցիտ կա շուկայում. Փաշինյանն անակնկալի է եկել (տեսանյութ)

Ինձ համար անակնկալ էր արձանագրել, որ Հայաստանի շուկայում, փաստորեն, ցեմենտի որոշակի դեֆիցիտային երեւույթներ կան: Այս մասին այսօր՝ հոկտեմբերի 20-ին, կառավարության նիստում հայտարարեց ՀՀ վարչապետ Նիկոլ Փաշինյանը:

«Սա նշանակում է, որ ՀՀ-ում այն ծավալի շինարարություն կա, որ շուկայում դեֆիցիտ է առաջացել եւ մեր տեղի արտադրողները չեն հասցնում շուկային մատակարարել: Դրա համար որոշում կայացրեցինք ցեմենտի ներկրման տուրքը 14 հազարից իջեցնել 2 հազարի: Այստեղ երեւի մենք կարող էինք այդ որոշումն ավելի շուտ կայացնել, որոշակիորեն հապաղեցինք:

Հույս ունենք, որ սա դեֆիցիտի խնդիրը կլուծի, բայց մենք անընդհատ այդ ազդակները ստանում ենք, որ շուկայում  ցեմենտ ձեռք բերելու խնդիր կա:

Սա մի կողմից լավ է, որ շատ մեծ ծավալների շինարարություն է տեղի ունենում երկրում, մյուս կողմից լավ չէ, որ դրա պատճառով կարող է շինարարությունը դանդաղել»,-ասաց նա:

Իր հերթին Մրցակցության պաշտպանության հանձնաժողովի նախագահ Գեղամ Գեւորգյանն ասաց, որ ցեմենտի շուկայում մեկ այլ մտահոգություն էլ կա, որ դեֆիցիտը կարող է լինել արհեստական պատճառներով ստեղծված եւ գների բարձրացում է տեղի ունեցել. «Դեռեւս վարույթ չի հարուցվել, բայց կհարուցվի»,-ասաց նա:

Սրան վարչապետն արձագանքեց. «Հարուցեք: Դա ընդհանուր գնահատականը չի փոխում, այսինքն նրանք, որոնք արհեստական ստեղծում են դա, վաճառքի պրոբլեմ չունեն, ընդհակառակը, ուզում են առիթից օգտվեն ու ավելի մեծ շահույթ ստանան: Իհարկե, գերշահույթ ստանալու ախորժակները պետք է զսպվեն»:

Այս թեմայով Կառուցվող դպրոցից գողացել են ջրի պոմպ և չորս պարկ ցեմենտ Մեկ տոննա ցեմենտի ներկրման համար՝ 2 հազար դրամ տուրք՝ նախկին 14 հազարի փոխարեն․ Բաբկեն Թունյանը լավ լուր ունի «Հրապարակ». Հերթական հակածառուկյանական որոշումը Ցեմենտի ներմուծման արգելքը հետաձգվում է. «Ժողովուրդ» Ցեմենտի և կլինկերի ներմուծման համար տուրքի նախատեսվող չափեր նվազեցվեցին. փոփոխություն նախագծում Գործադիրն առաջարկում է ցեմենտի ներմուծման համար սահմանել 25 հազար, կլինկերի՝ 9 հազար դրամ տուրք