«Ժողովուրդ». Հայկ Մարությանը սկսել է տատանվել. ներկայացումները չեն արդարացրել

«Ժողովուրդ» օրաթերթը գրում է. Հայկ Մարությանը սկսել է տատանվել Երևանի ավագանու ընտրություններին մասնակցելու հարցում. Մոնոներկայացումներն էլ չեն արդարացրել սպասելիքները. համենայնդեպս նրա շրջապատում այդպես են ներկայացնում իրավիճակը:

Ինչպես առիթ ունեցել ենք գրելու,
2023թ.-ին սպասվող Երևանի ավագանու ընտրություններին մասնակցելու նախապատրաստական աշխատանքներն արդեն մեկնարկել են. թե՛ ուժային կառույցները, թե՛ քաղաքական ուժերը պատվիրում են սոցհարցումներ, ավագանու անդամների ցուցակներն են ճշգրտվում և այլն:

Մեր աղբյուրները հայտնում են, որ ամենաանկումային տրամադրությունը Երևանի նախկին քաղաքապետ Հայկ Մարությանի մոտ է, նախ քաղաքապետի պաշտոնին հրաժեշտ տալուց հետո վերջինս ըստ էության մնացել է առանց թիմակիցների, նրանց հիմնական մասը կամ տեղավորվել են այլ աշխատանքների կամ այլևս չեն պատրաստվում մտնել ընտրապայքարի մեջ` համարելով Հայկի հաղթանակի շանսերը քիչ հավանական:

Ստեղծված իրավիճակը փոխելու և քաղաքական ռեստարտի համար Մարությանը սկսեց մոնոներկայացումների շարք, որոնց մեկնարկն ուղղորդվեց լուրջ PR ակցիաներով ու շատերը գնեցին տոմսեր՝ սպասելով ցնցող բացահայտումների: Բայց, երբ մեկնակեցին առաջին ներկայացումները, սոցցանցերում, մեդիա հարթակներում եղան հիմնականում հիասթափեցնող գրառումներ ներկայացման որակի, բովանդակության մասին: Շատերն այն համարեցին անորակ, ոչինչ չասող հերթական շոուն, որտեղ գովազդն ավելի ուժեղ էր, քան բովանդակությունը:

Իհարկե կարգին Հայկոն արդեն հասցրել է լուրջ գումար աշխատել, սակայն տոմսերի վաճառքի անկմանը զուգահեռ այդ թիվն անշեղորեն իջնելու է, իսկ այն որ տոմսերի վաճառքի խնդիր կա, կարելի է ենթադրել սոցցանցերում վճարովի գովազդի ինտենսիվության աճով:

Դրան զուգահեռ իշխանկան թեկնածուն է ակտիվացել. Տիգրան Ավինյանը առանց փողկպի փողոցներում է՝ տպավորություն ստեղծելով, որ խիստ անհանգստացած է քաղաքապետարանի վատ աշխատանքի պատճառով: Իսկ որ քաղաքապետքրանը որոշումներ չի կայացնում, ամեն ինչ ինքնահոսի է, դա փաստ է։

Մի խոսքով, հուսանք, որ քաղաքապետի պաշտոնի համար պայքարում առաջ կգան կշիռ ունեցող այլ թեկնածուներ։

Այս թեմայով «Ժողովուրդ». «Սուպերքաղաքապետի» «վախվորած» ներկայացումը «Իրավունք». Ինչու խնդալու չէ Հայկ Մարությանի ներկայացումը «Դուրս եկա Մարությանի ներկայացումից. կիսվեմ տպավորություններով» Երևանի քաղաքապետարանը շարունակում է քաղաքի տարբեր հատվածներում դրված կանգնակների հեռացման գործընթացը (տեսանյութ) Վարպետի հետ անձնական շփումները հնարավորություն են տվել ինձ համոզվելու, որ մեծ արտիստը նաև մեծ հոգու տեր մարդ էր. Մարության Կա՛մ Կենտրոն վարչական շրջանի ղեկավարը պատասխանատվության կենթարկվի, կա՛մ սույն տիկինը․ Կենտրոն վարչական շրջան Քաղաքապետարանը նախատեսվում է ձեռք բերել էլեկտրական ավտոբուսներ, տրոլեյբուսներ, ներդնել խելացի լուսացույցներով կառավարվող համակարգ Սաշա Կատվալյանը նշանակվել է Մալաթիա-Սեբաստիա վարչական շրջանի ղեկավար «Իրավունք». Հայկոյի կյանքում ամեն ինչ լավ է «Ժողովուրդ». Բյուջեի կատարողականը՝ Հայկ Մարությանի օրոք