Պակիստանի նախկին վարչապետ Իմրան Խանի դեմ մահափորձ է կատարվել (լուսանկարներ, տեսանյութ)

Պակիստանի նախկին վարչապետ Իմրան Խանի դեմ մահափորձ է կատարվել։ Նրա ավտոշարասյունը գնդակոծվել է երկրի հյուսիս-արևելքում գտնվող Լահոր քաղաքից 150 կմ հեռավորության վրա: Խանը գլխավորում էր բողոքի երթը դեպի մայրաքաղաք Իսլամաբադ՝ պահանջելով արտահերթ ընտրություններ, գրում է BBC-ն։

Նախկին վարչապետի կուսակիցները հայտնում են, որ հրաձգության հետևանքով՝ վիրավորվել է ևս չորս մարդ։

Հարձակում գործողներից մեկը գնդակահարվել է, Agence France Presse-ին հայտնել է նախկին վարչապետի օգնական Ռաուֆ Հասանը: «Ոստիկանությունը բերման է ենթարկել ևս մեկ տղամարդու»,- հավելել է նա։ Նրա խոսքով՝ կրակն արձակվել է ամբոխի մեջից։ Կուսակցության մեկ այլ անդամ՝ Ասադ Ումարը Reuters-ին ասել է, որ կրակել են ավտոմատներից։

Պակիստանյան լրատվամիջոցների փոխանցմամբ՝ 70-ամյա քաղաքական գործիչը տեղափոխվել է Լահորի հիվանդանոց, նրա վիճակը բժիշկների մոտ անհանգստություն չի առաջացնում։ «Դա մահափորձ էր նրա դեմ, քաղաքական մահափորձ»,- AFP-ին ասել է Ռաուֆ Հասանը։

Բողոքի երթը Լահորից դեպի Իսլամաբադ սկսվեց անցյալ ուրբաթ օրը։ Ամբողջ ակցիայի ընթացքում բեռնատարը շարժական բեմահարթակ էր տեղափոխում, և Խանը ամեն օր բարձրանում էր դրա վրա և ելույթներ ունենում երթի երթուղու երկայնքով գտնվող քաղաքներից և գյուղերից հավաքված բնակիչների համար։

Իմրան Խանը` նախկինում հայտնի կրիկետ խաղացողը (Պակիստանում ամենատարածված խաղը), ստանձնեց երկրի կառավարության ղեկը 2018 թվականին: Այս տարվա ապրիլին նա հրաժարական տվեց խորհրդարանի կողմից անվստահություն հայտնելուց հետո: Այդ ժամանակից ի վեր` Խանը քարոզչություն է իրականացնում արտահերթ ընտրությունների համար։ Նոր կառավարությունը իշխանության է եկել առանց ընտրությունների և պնդում է, որ դրանք կանցկացնի միայն 2023 թվականին:

2007 թվականին Պակիստանում քաղաքական հանրահավաքի ժամանակ սպանվեց նախկին վարչապետ Բենազիր Բհուտոն։

Այս թեմայով Պակիստանը նոր նախագահ ունի Իրանի և Պակիստանի ԱԳ նախարարները բանակցություններ են վարել Իրանի ԱԳ նախարարը մեկնել է Պակիստան՝ կարգավորելու հարաբերությունները Պակիստանը որոշել է դադարեցնել լարվածության էսկալացիան Իրանի հետ Իրանի տարածքում թիրախ խոցելը դեռ շատ երկար հետք կթողնի Իրան-Պակիստան հարաբերություններում Պակիստանի ԱԳՆ–ն հայտարարել է, որ Իսլամաբադն իրավունք ունի պատասխանել Իրանին Իրանի և Պակիստանի ԱԳ նախարարները հեռախոսազրույց են ունեցել Պակիստանում արգելվել են ամանորյա տոնակատարությունները Պակիստանում վերսկսվել է նախկին վարչապետի դեմ դատավարությունը Պակիստանի իշխանությունները բանակ են ուղարկել Իսլամաբադ՝ անկարգությունների ֆոնին