Միջուկային զենքի կիրառումը կհանգեցնի Կիմի ռեժիմի կործանմանը. Պենտագոն

ԱՄՆ-ի և Հարավային Կորեայի ռազմական առաջնորդները նախազգուշացրել են Փհենյանին, որ Հյուսիսային Կորեայի առաջնորդ Կիմ Չեն Ընի կողմից միջուկային զենքի օգտագործումը կլինի նրա ռեժիմի «վերջը»:

Հաղորդագրությունում, որը հաստատվել է Պենտագոնի ղեկավար Լլոյդ Օսթինի և Հարավային Կորեայի պաշտպանության նախարար Լի Ջոնգ Սուբի կողմից Վաշինգտոնում կայացած հանդիպման ավարտին, ասվում է, որ ԱՄՆ-ի կամ նրա դաշնակիցների և գործընկերների վրա ցանկացած միջուկային հարձակում, ներառյալ մարտավարական միջուկային զենքի օգտագործումը, անընդունելի է և կհանգեցնի Կիմ Չեն Ընի ռեժիմի ավարտին»: Ասվում է, որ դաշնակիցները տալիս են «ճնշող և վճռական պատասխան»:

Նախարարները նաև պայմանավորվել են երկարաձգել Հարավային Կորեայում շարունակվող «Vigilant Storm» զորավարժությունները։

Հայտարարությունը գալիս է Հյուսիսային Կորեայի կողմից միջուկային մարտագլխիկներ կրելու ունակ բալիստիկ հրթիռների հաճախակի արձակումների ֆոնին: Ամենամեծ հեռահարության հրթիռներն ունակ են հասնելու ԱՄՆ Հավայի նահանգ։

Ուրբաթ օրը Հարավային Կորեան օդ է բարձրացրել մոտ 80 կործանիչ, այդ թվում՝ F-35A։ Դա տեղի է ունեցել այն բանից հետո, երբ կողմերի սահմանազատման գծի մոտ օդում հայտնաբերվել է ԿԺԴՀ-ի մոտ 180 մարտական ​​ինքնաթիռ։ Հյուսիսային Կորեան նույնպես ուրբաթ գիշեր հրետանային կրակ է բացել ծովի ուղղությամբ, իսկ հինգշաբթի օրը արձակել է ավելի քան 20 հրթիռ: Դրանցից մեկը, ենթադրաբար, միջմայրցամաքային բալիստիկ հրթիռ էր, սակայն դրա փորձարկումը, ըստ դիտորդների, ավարտվել է անհաջողությամբ. այն ընկել է ծովը։ Հյուսիսային Կորեան հոկտեմբերին առնվազն հինգ հրթիռ է արձակել։

Այս թեմայով Պենտագոնի ղեկավարը քննադատել է Կիևի հարվածները ռուսական նավթային գործարաններին Պենտագոնի ղեկավարը հայտարարել է Ուկրաինայում ռուսական ուժերի առաջխաղացման մասին Պենտագոնի ղեկավարը հայտարարել է, որ եթե Ուկրաինան պարտվի՝ ՆԱՏՕ-ն ստիպված կլինի կռվել Ռուսաստանի դեմ Պենտագոնի ղեկավարը չեղարկել է այցը Բրյուսել Պենտագոնի ղեկավարը դուրս է գրվել հիվանդանոցից Պենտագոնի ղեկավարը դեռ հիվանդանոցում է Պենտագոնում ծրագրում են հետաքննել Օսթինի հոսպիտալացման հանգամանքները ԱՄՆ-ն այնպիսի զենք չունի, որը «կախարդական փայտիկ» կդառնա Ուկրաինայի համար. Պենտագոն Ուկրաինան ստացել է կասետային ռումբերը. Պենտագոն Պուտինն իսկապես կարող է միջուկային զենք կիրառել. Բայդեն