Աննա Հակոբյանը մասնակցել է «Ռեյկյավիկի գլոբալ Ֆորում. կին առաջնորդներ» խորագրով համաժողովին

Իսլանդիա կատարած այցի երկրորդ օրը ՀՀ վարչապետի տիկին Աննա Հակոբյանը «Ռեյկյավիկի գլոբալ Ֆորում. կին առաջնորդներ» խորագրով ամենամյա համաժողովի շրջանակներում մասնակցել է «Գենդերային հավասարության պաշտպանություն և առողջություն՝ բոլորի համար» խորագրով քննարկմանը և  հանդես եկել խոսքով՝  նշելով, որ նման գաղափարախոսությամբ է առաջնորդվում Հայաստանի կառավարությունը:

Ինչպես տեղեկացրին ՀՀ վարչապետի տիկին Աննա Հակոբյանի գրասենյակից, Աննա Հակոբյանն ընդգծել է, որ Հայաստանի կառավարության վերջին տարիների քայլերը միտված են առողջապահական ոլորտում առաջընթացին՝  հատուկ ուշադրություն դարձնելով մոր և մանկան առողջությանը, պարտադիր առողջապահական համակարգի ներդրմանը և մի շարք այլ ծրագրերի:

Ըստ վարչապետի տիկնոջ՝ կառավարության քաղաքական կամքը ապացուցվում է նաև առողջապահական համակարգի բյուջեի ավելացմամբ, ինչը հնարավոր է դարձնում առաջնահերթություն դարձած բարեփոխումների իրականացումը։

Աննա Հակոբյանը քննարկման մասնակիցներին նաև վստահեցրել է, որ արվելու  է հնարավոր ամեն բան բարձր պաշտոններում կանանց ներգրավվածությունը Հայաստանում բարձրացնելու ուղղությամբ:

«Վարչապետի տիկինը ներկա է եղել նաև «Երբ մենք քայլում ենք սառույցի վրայով, կարող ենք նաև պարել», «Կանանց առաջնորդության կարևորությունը» խորագրով պանելային քննարկումներին: Բանախոսների թվում էին Իսլանդիայի վարչապետ Կատրին Յակոբսդոուտիրը, ՄԱԿ-ի Գենդերային հավասարության և կանանց հզորացման կառույցի գործադիր տնօրեն Սիմա Սամի Բահուսը, ԱՄՆ պետքարտուղարության կանանց հիմնախնդիրների հարցերով ավագ մասնագետ Կատրինա Ֆոտովատը և այլ ազդեցիկ կանայք գրեթե ամբողջ աշխարհից»,- ասվում է հաղորդագրության մեջ:

Նշվում է, որ «Կանայք, պատերազմը և խաղաղությունը» խորագրով պանելային քննարկման բանախոսներից էր Իսպանիայի պաշտպանության նախարար Մարգարիտա Ռոբլես Ֆերնանդեսը, ում խոսքով՝ այս պահին աշխարհում շարունակվող շուրջ 30 պատերազմ կա, որոնցից հիմնականում տուժում են հենց կանայք:  Ռոբլեսն օրինակ է բերել իրենց զինված ուժերը, որի կազմում մեծ թվով կանայք կան, և այդ համատեքստում կարևորել է նրանց ներգրավածությունը բանակային գործում: Ըստ նախարարի՝ Իսպանիայում քայլեր են ձեռնարկվում կոնֆլիկտների հանգուցալուծման գործում կանանց դերն ավելացնելու ուղղությամբ՝ վստահ լինելով, որ կանայք աշխարհը փոխելու մեծ ներուժ ունեն։ Զինվորական համազգեստով կանայք պետք է աշխարհում ավելի շատ լինեն, ինչը կնպաստի հենց խաղաղությանը՝ նշել է նախարարը։

Ֆորումի շրջանակում Աննա Հակոբյանը կարճ զրույց է ունեցել Իսլանդիայի չորրորդ նախագահ Վիգդիս Ֆիննբոգադոուտտիրի հետ, որը համարվում է աշխարհում առաջին կինը, ով ընտրվել է սահմանադրական և ժողովրդավար պետության ղեկավար:

Այս թեմայով Ինչպես է Աննա Հակոբյանն արձագանքում լրագրողի՝ Արցախի մասին հարցին (տեսանյութ) Մեծ քաղաքականությունն ու փոքրիկ Արփի Փաշինյանը «Նիկո՛լ, ցեղասպան», «Նիկո՛լ, թուրք». Աննա Հակոբյանին քաղաքացիներն այսպես դիմավորեցին Ծիծեռնակաբերդում (տեսանյութ) Պաշտոնական բան չեմ կարա ասեմ, խնդրում եմ, եկել եմ՝ լսեմ բնակիչներին. փոխոստիկանապետ Կարեն Հակոբյան (տեսանյութ) «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին «Աննա Հակոբյանի կազմակերպած ընթրիքին մասնակցողներից մեկը «չայխանայի» վայր է ժամանել 300QQ03 համարանիշով մեքենայով» (լուսանկար) Սամվել Ալեքսանյանի կինը, դուստրը, այլ կին գործարարներ «տժժում» են Աննա Հակոբյանի կազմակերպած փարթիին Ինչպես է անցել և ովքեր են ներկա եղել Աննա Հակոբյանի կազմակերպած 1 միլիոն դրամանոց ընթրիքին (տեսանյութ) Անչափելի է այն զգացողությունը, որն ունենում է այն մարդը, որը տալիս է այդ 1 միլիոն գումարը․ Հակոբյան (տեսանյութ) Սամվել Ալեքսանյանի կինը տեսանյութ է հրապարակել Աննա Հակոբյանի հրավիրած ընթրիքից, որին մասնակցության վճարը 1 մլն դրամ էր