Գիտնականները տեսախցիկով ֆիքսել են ութոտնուկների զարմանալի կոնֆլիկտը

Սիդնեյի համալսարանի գիտնականներն առաջին անգամ հայտնաբերել են, որ ութոտնուկները կոնֆլիկտի ժամանակ կարող են դիտավորյալ աղբ նետել միմյանց վրա։ Հետազոտությունը հրապարակվել է PLoS ONE ամսագրում:

Հետազոտողները գրանցել են Octopus tetricus ութոտնուկի պահվածքը Ջերվիս Բեյում (Ավստրալիա) 2015 և 2016 թվականներին՝ օգտագործելով ստորջրյա տեսախցիկներ: Նրանք վերլուծել են 24 ժամ տեւած տեսագրությունները և հայտնաբերել մոտ տասը ութոտնուկներից բաղկացած խմբում աղբ նետելու 102 դեպք:

Ութոտնուկները հավաքում էին տիղմ կամ պատյաններ, այնուհետև դրանք բաց թողնում ջրի հզոր շիթով իրենց սիֆոնից։ Նետումներ կատարելու համար ութոտնուկները պետք է սիֆոնը տեղափոխեին անսովոր դիրքի վրա, ինչը ենթադրում էր, որ այս պահվածքը միտումնավոր է եղել: Նետումների մինչև 66%-ը կատարվել են իգական սեռի ներկայացուցիչների կողմից։

Դեպքերի մոտ 50%-ը տեղի է ունեցել այլ ութոտնուկների հետ փոխազդեցության ժամանակ, իսկ 17%-ի դեպքում նետումը հասել է երկրորդ ութոտնուկին։ Ութոտնուկները կարող են փոխել իրենց մաշկի գույնը, մուգ գույները սովորաբար կապված են ագրեսիայի հետ: Հետազոտողները պարզել են, որ մուգ գույնի առանձնյակները հակված են ավելի ուժեղ նետելու և ավելի հավանական է, որ հարվածեն մեկ այլ ութոտնուկի: Ութոտնուկները, որոնց վրա աղբ էին նետում, հաճախ փոխում էին իրենց վարքը՝ դեպի ներքև ծռվելով կամ փորձելով պաշտպանվել շոշափուկներով։

Այս թեմայով Կյանքից հեռացել է գիտնական Գագիկ Գրիգորյանը ԲԴԽ գիտնական անդամները խոցելի են և չեն կարող ապաքաղաքական որոշումներ կայացնել. Սիրանուշ Սահակյան Գիտնականները պարզել են, որ լավ տրամադրությունը բացասաբար է անդրադառնում քնի վրա Մահացել է վաստակաշատ երկրաբան ու հնագետ, գիտնական Համազասպ Խաչատրյանը Չինացի գիտնականները «խելացի» ռանչո ստեղծելու համար առաջարկում են չիպավորել կովերին Գիտնականներն նշել են մարդկության պատմության մեջ ամենակարճ օրը Գիտնականները պարզել են, թե ինչպես է հոտերի ընկալումը կախված ազգությունից ԱՄՆ-ում հայտնաբերվել են մարդու հետքեր, որոնք ավելի քան 20 հազար տարեկան են Գիտնականին ասում են՝ մեզ կոճակներ են պետք, որ սեղմենք ու մարդկանց սպանենք Արմեն Սարգսյանը հեռախոսազրույց է ունեցել հայտնի գիտնական Յոզեֆ Բաբիկյանի հետ