Մարիամ Փաշինյանը հերքել է Սամվել Ալեքսանյանի որդու հարսանիքին մասնակցելու մասին լուրերը

Որոշ ժամանակ առաջ մամուլում հրապարակումներ եղան, ըստ որոնց՝ գործարար Սամվել Ալեքսանյանի որդու հարսանիքը տեղի է ունեցել Միացյալ Արաբական Էմիրությունների ամենախոշոր քաղաքներից մեկում՝ Դուբայում:  

Շրջանառվող նույն չհստակեցված լուրերի համաձայն՝ հրապարակման մեջ նշվում էր, թե ՀՀ վարչապետ Նիկոլ Փաշինյանի ընտանիքի անդամներից ևս մասնակցել են արարողությանը՝ մեկնելով Դուբայ:

Մասնավորապես խոսքը վարչապետի ավագ դստեր՝ Մարիամ Փաշինյանի մասին էր: Ըստ նույն այդ անհստակ լուրերի համաձայն՝ Մարիամ Փաշինյանը ուրախացել և պարել էր հարսանիքի ժամանակ:

Այսօր, սակայն, լրատվամիջոցը՝ hraparak.am-ը, որը երևան էր բերել չճշտված լուրը, հերքել է հրապարակումը՝ տեղեկացնելով, թե «ԶԼՄ-ի լրագրողը չի մասնակցել հարսանիքին և իր աչքով չի տեսել Մարիամ Փաշինյանին այնտեղ»:

Կեղծ տեղեկատվության հերքման համար հիմք է հանդիսացել Մարիամ Փաշինյանի նամակը խմբագրությանը, որով վերջինս հայտնել է, որ չի մասնակցել Սամվել Ալեքսանյանի որդու հարսանեկան արարողությանը և տարածված տեղեկությունները ստահոդ են՝ պահանջելով հերքում:

Լրատվամիջոցը չճշտված տեղեկատվության հրապարակումը արդարացրել է կեղծ տեղեկատվությունը փոխանցած աղբյուրի վերաբերյալ հետևություններ անելով՝ մինչև անգամ չբացառելով, որ լրատվամիջոցին ապակողմնորոշելու միտում է եղել:

Որպես հավելյալ արդարացում՝ լրատվամիջոցն ընդգծել է, թե այնուամենայնիվ, իրենց չի թվում, թե ամոթալի բան է որեւէ մեկի հարսանիքին մասնակցելը, եթե անգամ այդ հարսանիքը Դուբայում է տեղի ունենում, ուստի վստահեցնում են «այդ լուրի մեջ որեւէ մեկին վարկաբեկելու միտում չեն ունեցել»:

Այս թեմայով Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան «Ինչո՞ւ եք շարունակում մնալ ՀԱՊԿ անդամ»․ հարց՝ Փաշինյանին Հայաստանը չի պատրաստվում պատերազմ վարել Լեռնային Ղարաբաղի համար․ Փաշինյան (տեսանյութ)