Ո՞ր երկիրն է, որ գնված զենքը մինչ օրս չի մատակարարել Հայաստանին

Մենք այսօր փորձում ենք սպառազինության եւ տեխնիկայի ձեռքբերման մեր հնարավորությունները դիվերսիֆիկացնել եւ այդ ուղղությամբ գնալ առաջ: Այս մասին, այսօր՝ նոյեմբերի 11-ին, Հանրային հեռուստատեսությանը տված հարցազրույցում նշեց ՀՀ վարչապետ Նիկոլ Փաշինյանը՝ ի պատասխան Հնդկաստանից զենք մատակարարելու մասին մամուլի հրապարակումները մեկնաբանելու խնդրանքին։

Նրա խոսքով` եթե զենքի մատակարարման մասին տեղեկատվություն հրապարակելու անհրաժեշտություն ու նպատակահարմարություն լինի, ապա դա կարվի։

Հարցին, թե արդյոք լուծվեց գործընկեր պետությունից զենքի մատակարարման հարցը, որ Հայաստանը 100 միլիոնավոր վճարումներ էր արել, սակայն զենքը չի մատակարարվել, Փաշինյանը պատասխանեց. «Ոչ, ցավոք, մինչեւ օրս չի լուծվել, մեր քննարկումները շարունակվում են, ընթացքի մեջ են»:

Դիտարկմանը, որ մամուլում շրջանառվում էր Հորդանանի անունը, Փաշինյանը ժպտալով արձագանքեց. «Մամուլը սովորաբար, ինչպես միշտ, շատ ավելի հավաստի տեղեկություններ ունի»:

Հիշեցնենք՝ սեպտեմբերի 29-ին, կառավարության նիստում վարչապետ Նիկոլ Փաշինյանը հայտարարել էր,   որ Ադրբեջանը որոշակի հաջողություններ ունի նաեւ մեր դաշնակիցների հետ հարաբերությունների իմաստով եւ փորձում է այնպես անել, որ Հայաստանին զենք եւ ռազմամթերք չմատակարարվի:

«Մենք դեպքեր ունենք, երբ 100 միլիոնավոր դոլարներ վճարված են, բայց ՀՀ նկատմամբ մատակարարումների պարտավորությունները չեն կատարվում, այդ թվում դաշնակից երկրների կողմից: Սա, իհարկե, ցավալի իրողություն է»,– ասել էր Փաշինյանը։ 

Այս թեմայով Քանի գյումրեցի օլիմպիական չեմպիոն դառնա, էդքան օլիմպիական դպրոց ենք կառուցելու․ Նիկոլ Փաշինյան Նիկոլ Փաշինյանի գլխավորությամբ խորհրդակցություն է կայացել Մենք ուրախ ենք, որ Միացյալ Նահանգները ներգրավված է տարածաշրջանում. Փաշինյան Գնաճի հետ կապված խնդիր ունենք, բայց միջզգային զեկույցներում գրում են, որ Հայաստանում գնաճը տարածաշրջանում ամենացածրն է. վարչապետ «Խոսում էիք Հրայր Թովմասյանից, ԿԸՀ նախագահ նշանակեցիք Վահագն Հովակիմյանին». լրագրողը՝ Փաշինյանին Փաշինյանն անդրադարձել է Լուկաշենկոյի աղմկահարույց ելույթին Ձևավորվում են պետություն-եկեղեցի նոր հարաբերություններ. գուցե ի վերջո եկեղեցին զբաղվի իր բուն գործառույթներով. Փաշինյան Հայաստանը 2007-ին ընդունել է, որ Լեռնային Ղարաբաղն Ադրբեջանի մաս է. մենք ինչքա՞ն պետք է սա չարձանագրենք. Նիկոլ Փաշինյան Ինչու՞ եմ ասել Արցախը Հայաստան է և վերջ․ Նիկոլ Փաշինյանի պարզաբանումը Խաղաղության պայմանագրի մի քանի տարբերակներ կան. Փաշինյան