Արմեն Սարգսյանը շնորհավորել է Մեծ Բրիտանիայի թագավոր Չարլզ 3-րդին՝ ծննդյան օրվա առթիվ
ՀասարակությունՀանրապետության չորրորդ նախագահ Արմեն Սարգսյանը շնորհավորել է Մեծ Բրիտանիայի թագավոր Չարլզ 3-րդին՝ ծննդյան օրվա առթիվ:
«Ձերդ Մեծություն,
Ինձ համար մեծ պատիվ է իմ ջերմ բարեմաղթանքն ու շնորհավորանքը հղել Ձերդ Մեծությանը՝ ծննդյան օրվա առթիվ:
Ցանկանում եմ նաև իմ հարգանքն արտահայտել Ձեզ բնապահպանական խնդիրների նկատմամբ Ձեր երկարամյա և անմնացորդ հանձնառության համար:
Ձերդ Մեծության առաջնորդությունը և գլոբալ ազդեցությունն անփոխարինելի են, քանի որ մենք պայքարում ենք այդ սրացող ճգնաժամին կայուն և ոչ ժամանակավրեպ լուծումներ գտնելու համար:
2013 թվականին Դուք այցելեցիք Հայաստան՝ իմ հայրենիք՝ որպես «Երևան, իմ սեր» հիմնադրամի հյուր և աջակից: Ձերդ Մեծության հարգանքը հայոց մշակույթի և սովորույթների հանդեպ, հետաքրքրվածությունը դեպի Հայաստանի հարուստ պատմությունը և ավանդույթները, ինչպես նաև երկրի ժառանգության պահպանման նկատմամբ մտահոգությունը հուզիչ էին յուրաքանչյուր հայի համար: Իմ համերկրացիները հարգանքով են հիշում Ձերդ Մեծության հետ փոխշփումները։
2015-ին, Հայաստան այցից երկու տարի անց, Դուք հայ ազգին մնայուն նվիրվածության ևս մեկ օրինակ ցույց տվեցիք՝ Վեսթմինսթերյան աբբայությունում մասնակցելով Հայոց ցեղասպանության 100-րդ տարելիցին նվիրված հիշատակի արարողությանը: Իսկ 2020 թվականին Ձերդ Մեծությունն այցելեց Բեթղեհեմի Սուրբ Ծննդյան տաճարի հայկական եկեղեցի և անդրադարձավ երկուհազարամյա հայ քրիստոնեական հավատքին։ Հայ ազգը խորին երախտագիտություն է տածում Ձերդ Մեծության նկատմամբ։
Հայ-բրիտանական հարաբերությունները զարգացման հսկայական ներուժ ունեն: Պատրաստ եմ աջակցել այդ հարաբերությունները և շփումներն ամրապնդելու համար, որոնք կապում են մեր ժողովուրդներին և համագործակցությունը դարձնում են ավելի արդյունավետ:
Մաղթում եմ Ձերդ Մեծությանը քաջառողջություն և հաջողություններ»:
Այս թեմայով
Էդ ո՞վ ա էդ Արմեն Գրիգորյանը, թող գա տեսնենք՝ ինչ անվտանգություն կա, թող գա ստեղ աշխատի. կիրանցեցի (տեսանյութ)
Երեվան-Երասխ ավտոճանապարհի երթևեկությունը այրվող անվադողերով խաթարելու դեպքի առթիվ նախաձեռնվել է քրեական վարույթ
Օրվա խորհուրդ. Ապրիլի 25
Նոյեմբերյանում մարդկանց մեջ մեքենայի մխրճվելու տեղեկությունների առթիվ պահանջել ենք պատշաճ քննություն. ՄԻՊ (տեսանյութ)
Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ
Սա հպատակության, այլ ոչ թե խաղաղության ճանապարհ է. Սերժ Սարգսյանի ուղերձը՝ Ցեղասպանության տարելիցի առթիվ
Գրիգորյանը չի մասնակցի Պետերբուրգում Անվտանգության հարցերը համակարգող ներկայացուցիչների հանդիպմանը
Ապրիլի 23. Օրվա խորհուրդ
Ինչ է անում փաշինյանական խունտան Հայաստանի սահմանները թուլացնելու առումով․ Արմեն Այվազյան
Մաղթում եմ Ձեզ արգասաբեր գործունեություն․ Փաշինյանի ուղերձը՝ Խաչատուրյանին հոբելյանի առթիվ