«Հրապարակ». Դատախազությունը որոշել է Չարչյանին հանրային նուրբ լարերի վրա խաղացող մեղադրանք առաջադրել

«Հրապարակ» թերթը գրում է. «Գրել էինք, որ գլխավոր դատախազ Աննա Վարդապետյանը հնարավոր է մտնի ԱԺ` պատգամավորներ Արմեն Չարչյանին եւ Սեյրան Օհանյանին անձեռնմխելիութունից զրկելու հարցով։ Փորձեցինք պարզել, թե ինչում կարող են մեղադրել բժիշկ Չարչյանին, ով 2021-ի ընտրություններին առնչվող մի սին մեղադրանքով դատվում է, բայց դա նոր չէ, իսկ ԱԺ կարող են մտնել նոր մեղադրանքով: Մեր աղբյուրը հաղորդեց, որ դատախազությունը որոշել է Չարչյանին սպեկուլյատիվ եւ հանրային նուրբ լարերի վրա խաղացող մեղադրանք առաջադրել` «Սասնա ծռերին» հաց տարած Արթուր Սարգսյանի մահվան հետ կապված։

Հաց բերողը 2016 թ. դեկտեմբերի 30-ին կալանքից ազատվեց միջգերատեսչական հանձնաժողովի որոշմամբ, որն արձանագրեց, որ նրա առողջական վիճակը համատեղելի չէ կալանքի հետ, սակայն այդ որոշումից 1 օր անց քննիչը կրկնակի փորձաքննություն նշանակեց:

Երկրորդ հանձնաժողովի կազմում էր նաեւ բժիշկ Չարչյանը։ Հանձնաժողովի տված եզրակացությունից հետո Հաց բերողին կրկին կալանավորեցին. նոր եզրակացությամբ՝ նրա առողջական վիճակն անհամատեղելի չէր համարվել կալանքի հետ: Սակայն բանն այն է, որ  բժշկական հանձնաժողովը փաստաթղթերի հիման վրա էր եզրակացություն տվել` Արթուր Սարգսյանը բժշկական հետազոտություն չէր անցել, քանի որ չէր ներկայացվել հանձնաժողովին: Ավելին՝ Արմեն Չարչյանը եզրակացության մեջ կամ դրանից զատ հատուկ շեշտել էր, որ եթե Արթուր Սարգսյանին կարողանային զննել, գուցե իրենց եզրակացությունն այլ լիներ։

Գլխավոր դատախազությունը մի քանի օր է՝ չի կարողանում պատասխանել մեր հարցին` կա՞ արդյոք նման քրգործ։ Արմեն Չարչյանը չցանկացավ խոսել այս թեմայով` մեզ ամենայն բարիք մաղթեց ու անջատեց հեռախոսը։ Արթուր Սարգսյանի իրավահաջորդի ներկայացուցիչ Տիգրան Եգորյանն էլ ասաց, որ գործը հարուցվել է դեռեւս 2017-ին, սակայն այլ հարցերի չպատասխանեց»:

Այս թեմայով «Հրապարակ». «Ձկան խանութի» հարեւանությամբ անցումը որոշել են դարձնել ավտոկայանատեղի «Հրապարակ». Ռոբերտ Քոչարյանը մեկնել է Գերմանիա «Հրապարակ». Շարունակվում է Հրաչյա Սարգսյանի յուրայինների հեռացումը քաղաքապետարանից Փորձ է արվում ՀՀ պաշտոնական շրջանակաների բողոքների լեգիտիմությունն ու ազդեցիկությունը նվազեցնել․ իրավագետի արձագանքը Զախարովային «Հրապարակ». Արցախի նախագահի փոփոխության հարցն առնվազն կես տարով հետաձգվում է «Հրապարակ». «Ինձ այդ հանձնաժողովի նիստին չեն հրավիրել» ՌԴ-ն իր զինծառայողների ուղղությամբ կրակոցներին կարձագանքի ոչ հանրային խողովակներով. Աբրահամյան Սպանել էր ծանոթին, դին թաքցրել հանրային լողափի ճանապարհին, պարտքը տալու համար հափշտակել 12 մլն դրամ «Հրապարակ». Խփիր գրպանին. Փաշինյանը որոշել է այսկերպ ստուգել գաղափարական աջակիցների թիվը «Հրապարակ». Վարչապետի աշխատակազմի հերթական խոշոր դրամաշնորհը՝ «ֆեյքերի ՊՈԱԿ»-ին