Նիկոլ Փաշինյանը և Ջասթին Թրյուդոն քննարկել են ՀՀ-ում կանադական ներդրումների ընդլայնմանը վերաբերող հարցեր

Վարչապետ Նիկոլ Փաշինյանը Թունիսի Ջերբա քաղաքում անցկացվող Ֆրանկոֆոնիայի միջազգային կազմակերպության 18-րդ գագաթնաժողովի շրջանակում հանդիպում է ունեցել Կանադայի վարչապետ Ջասթին Թրյուդոյի հետ, հայտնում են վարչապետի աշխատակազմից:

Զրուցակիցները քննարկել են հայ-կանադական հաարբերությունների հետագա զարգացմանն առնչվող տարբեր հարցեր: Այս առումով, Նիկոլ Փաշինյանը և Ջասթին Թրյուդոն կարևորել են Հայաստանում Կանադայի դեսպանություն բացելու կանադական կառավարության որոշումը: Կողմերը վստահություն են հայտնել, որ Երևանում դեսպանատան գործունեությունը նոր թափ կհաղորդի երկկողմ քաղաքական ու տնտեսական կապերի ընդլայնմանն ու խորացմանը:

Վարչապետ Փաշինյանը կարևորել է Հայաստանում ժողովրդավարության զարգացմանն ու ամրապնդմանն ուղղված բարեփոխումների օրակարգին կանադական կողմի շարունակական օժանդակությունը:

Ջասթին Թրյուդոն հայտնել է իր գլխավորած կառավարության պատրաստակամությունն ու շահագրգռվածությունը` նպաստելու մեր երկրում ինստիտուցիոնալ բարեփոխումների արդյունավետ իրականացմանն ու երկկողմ փոխգործակցության զարգացմանը:

Հանդիպմանը քննարկվել են նաև ՀՀ-ում կանադական ներդրումների ընդլայնմանը վերաբերող հարցեր:

Վարչապետ Փաշինյանը Ջասթին Թրյուդոյին է ներկայացրել Հայաստանի ինքնիշխան տարածքի նկատմամբ ադրբեջանական ագրեսիայի հետևանքներն ու դրանց վերացման ուղղությամբ հայկական կողմի դիրքորոշումները: Մտքեր են փոխանակվել Լեռնային Ղարաբաղի հիմնախնդրի, Հարավային Կովկասում տեղի ունեցող գործընթացների, ինչպես նաև փոխադարձ հետաքրքրություն ներկայացնող տարբեր հարցերի շուրջ:

Այս թեմայով «Կարծես անօթևան լինի»․ Ջասթին Բիբերին ծաղրել են հանդերձանքի պատճառով (լուսանկար) Հեյլին ցանկանում է բաժանվել Ջասթին Բիբերից Ջասթին Թիմբերլեյքը պատրաստվում է դատի տալ Բրիթնի Սփիրսին Կանադան հպարտ է Հայաստանի հետ աճող հարաբերություններով․ Թրյուդոն շնորհավորել է ՀՀ Անկախության տոնը Ջասթին Բիբերի կինը կեցվածք է ընդունել խոր դեկոլտե ունեցող շապիկով Ջասթին Բիբերը չի ուղեկցել կնոջը Vanity Fair երեկույթի կարմիր գորգի վրա Մենք հավատարիմ ենք Կովկասում խաղաղության ու անվտանգության խթանմանը. Թրյուդո Ջասթին Բիբերի կինը լուսանկարվել է ներքնազգեստով Մեղավորը Ռուսաստանն է. Թրյուդոն ու Սունակը՝ Լեհաստանում արտակարգ դրության մասին Ջասթին և Հեյլի Բիբերները երկրպագուներին ներկայացրել են ընտանիքի նոր անդամին