Օլիգարխները երե՞ս են թեքել Փաշինյանի ընտանեկան հիմնադրամից

Նիկոլ Փաշինյանի «Իմ քայլը» հիմնադրամը, որը շատերն անվանում են նաև վարչապետի ընտանեկան հիմնադրամ, կարծես, ծանր ժամանակներ է ապրում: 2022 թվականին ոչ միայն լուրջ և ծանրակշիռ փոխանցումներ չեն կատարվել, այլ մի բան էլ սկսել է կաղալ կատարողական մասը: Բանն այն է, որ հիմնադրամի նպատակների շարքում նշվում են այնպիսի կարևոր և առանցքային նպատակներ, ինչպիսին են օրինակ` նպաստել հանրային առողջության բարելավմանը,  նպաստել շրջակա միջավայրի նկատմամբ հոգատար վարքի արմատավորմանը։

Ըստ էության, կտրուկ նվազել է ոչ միայն նվիրատվությունների թիվը, այլև նվիրատու օլիգարխների անունները այլևս չենք տեսնում 2022-ի ցանկում: Մինչդեռ անմիջապես հեղափոխությունից հետո՝ 2018-2019 թվականներին, պատկերն այլ էր:

Դիցուք՝ հեղափոխությունից հետո «Երևան սիթի» սուպերմարկետների ցանցը հիմնադրամին էր փոխանցել 34 միլիոն դրամ:

«Ալեքս Հոլդինգ» ՍՊԸ-ն' 33,600,000 միլիոն դրամ:

«Հայաստանի էլեկտրական ցանցեր» ՓԲԸ-ն' 33,530,000 դրամ:

Գաբրիել Չենբերջյանը՝ 12,600,000 դրամ և 50 հազար դոլար:

«Նատալի Ֆարմ» ՍՊԸ-ն՝ 10,000,000 դրամ:

«ՖԼԵՇ» ՍՊԸ-ն՝ 5,000,000 դրամ:

«Երևանի գարեջուր» ՓԲԸ-ն՝ 1,500,000 դրամ:

«Մաքս օիլ» ՍՊԸ-ն՝ 1,000,000 դրամ:

«ՄԱՊ» ՓԲԸ-ն՝ 1,000,000 դրամ:

«Գյումրի-Գարեջուր» ՍՊԸ-ն՝ 500,000 դրամ:

Այս տարի որևէ մեկը վերջիններիցս հիմնադրամին գումար չի փոխանցել:

Եթե 2018-ին հանգանակվել էր ավելի քան 270 միլիոն դրամ, 2019-ին՝ 756 միլիոն դրամ, 2020-ին՝ 421 միլիոն դրամ, 2021-ին՝ 1, 9 միլիոն դրամ, իսկ 2022-ին 11 ամիսների ընթացքում՝ 126001 դրամ: Կտրուկ նվազել են նաև նվիրատվությունները սփյուռքից և դա հասկանալի է․ հատկապես պատերազմից հետո սփյուռքի վստահությունը ՀՀ իշխանությունների հանդեպ կտրուկ նվազել է։ Ինչ վերաբերվում է օլիգարխներին, ապա, ըստ երևույթին, այստեղ գործ ունենք երկու հավանական տարբերակների հետ: Կամ օլիգարխները որոշել են այլևս չմուծվել Փաշինյանի ընտանեկան հիմնադրամին, կամ նրանք դա անում են այլ խողովակներով՝ ոչ հրապարակային: Ինչևէ, այն, որ Փաշինյանի ընտանեկան հիմնադրամը լավ ժամականեր չի ապրում, ակնհայտ է...

Այս թեմայով Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան