Գողերը 9 րոպեում թանգարանից դուրս են բերել 1,6 միլիոն եվրո արժողությամբ գանձեր
Другое
Գողերը ներխուժել են գերմանական Մանհինգ կոմունայի կելտ-հռոմեական թանգարան և ինը րոպեում գողացել հարյուրավոր հին ոսկիներ՝ 1,6 միլիոն եվրո արժողությամբ: հայտնում է AP-ն։
Բավարիայի քրեական ոստիկանության ղեկավարի տեղակալ Գվիդո Լիմերն ասել է, որ գիշերը հարձակվողները կտրել են հեռահաղորդակցության կենտրոնի մալուխները, որոնք գտնվում են թանգարանից մեկ կիլոմետր հեռավորության վրա։ Մշակութային հաստատությունում անվտանգության համակարգերն արձանագրել են դռան բացումը գիշերվա մեկից հետո։ Ինը րոպե անց գողերը լքել են թանգարանը։ Այս ընթացքում նրանք կոտրել են ապակիներն ու տարել գանձերը։
Ոստիկանությունը զուգահեռներ է տեսնում Մանհինգի հանցագործության, Դրեզդենում ոսկերչական իրերի գողության և Բեռլինում վերջին տարիներին մեծ ոսկե մետաղադրամի գողության միջև։ Հանցագործությունների մեջ կասկածվում է Բեռլինից մաֆիոզ կլանը։
Բավարիայի գիտության և արվեստի նախարար Մարկուս Բլյումեն ասել է, որ, դատելով ապացույցներից, աշխատել են պրոֆեսիոնալներ։ «Ակնհայտ է, որ չեք կարող պարզապես մտնել թանգարան և գողանալ գանձերը: Սա լավ հսկվող օբյեկտ է, և կասկածներ կան, որ գործ ունենք կազմակերպված հանցավորության հետ»,- ասել է նա։ Թանգարանի ղեկավարությունը խոստովանել է, որ մշակութային հաստատությունում գիշերային պահակ չի եղել։ Ենթադրվում էր, որ անվտանգությունն ամբողջությամբ ապահովելու է ահազանգման համակարգը։
Ռուպերտ Գեբհարդը, ով ղեկավարում է Մյունխենի պետական հնագիտական հավաքածուն, ասել է, որ գողացված գույքը մեծ արժեք ունի ինչպես Մանհինգի բնակիչների, այնպես էլ ողջ Եվրոպայի հնագետների համար։
Ոստիկանությունը միջազգային հետախուզում է հայտարարել գողերի նկատմամբ։ Ընդհանուր առմամբ, թանգարանից գողացել են 483 կելտական մետաղադրամ և ոսկու կտոր։ Փոխոստիկանապետ Լիմերն ասել է, որ Ինտերպոլն ու Եվրոպոլն արդեն ծանուցվել են գողության մասին:
Самое популярное 
В Норатусе за сутки погибли двое мужчин – вследствие взрыва и огнестрельного ранения
