Մասնագետը նշել է աշխատանք փնտրելու լավագույն տարիքը

Աշխատանք փնտրելու լավագույն տարիքը 35-ն է, Business Insider-ին ասել է Amazon-ի նախկին տեխնոլոգիական հավաքագրող Լինդսի Մուստեյնը:

«Հակառակ դեպքում, կա՛մ շատ մեծ եք և չափազանց մեծ փորձով, կա՛մ շատ երիտասարդ եք և բավարար փորձ չունեք»,- ասել է նա՝ խոսելով գործատուի համար լավագույն տարիքի մասին:

Շատ HR բաժիններում առաջին քայլը, այսպես կոչված, պասիվ թեկնածուների գտնելն է, ովքեր չեն դիտում գովազդները կամ չեն դիմում հասանելի պաշտոնների համար, ասում է Մուստեյնը: «Մենք երբեք չենք սպասում, որ ճիշտ թեկնածուն հայտնվի», - բացատրել է նա:

Նա խորհուրդ է տվել HR մասնագետի ուշադրությունը շուտ գրավել՝ փոխելով ռեզյումեն և LinkedIn պրոֆիլը՝ ընդգծելու իր հմտություններն ու կոնկրետ ձեռքբերումները: «Նրանք փնտրում են մարդկանց, ովքեր կարող են կամ օգնել գումար վաստակել կամ գումար խնայել բիզնեսի համար», - ավելացրել է Մուստեյնը:

Նա նաև խորհուրդ է տվել ռեզյումեում չներառել ավելի քան 20 տարվա աշխատանքային ստաժ և բարձրագույն ուսումնական հաստատություն ավարտելու տարին, քանի որ գործատուները սկսում են հաշվել աշխատանքի դիմողի տարիքը: