Բայրամովը և Կլաարը քննարկել են Ադրբեջանի ու Հայաստանի միջև հարաբերությունների կարգավորման հարցը

Նոյեմբերի 26-ին Ադրբեջանի արտգործնախարար Ջեյհուն Բայրամովը հանդիպել է Հարավային Կովկասում ԵՄ հատուկ ներկայացուցիչ Տոյվո Կլաարի հետ, հայտնում է Day.Az-ը՝ վկայակոչելով ԱԳՆ-ին։

Հանդիպման ընթացքում քննարկվել են Ադրբեջանի եւ Հայաստանի միջեւ հարաբերությունների կարգավորման գործընթացին առնչվող ջանքերը, հետագա հնարավոր քայլերը։

Ջեյհուն Բայրամովը զրուցակցին տեղեկացրել է Ադրբեջանի կողմից ներկայացված 5 հիմնարար սկզբունքների հիման վրա պատրաստված խաղաղության պայմանագրի տարրերի եւ հայկական կողմի մեկնաբանությունների վերաբերյալ Վաշինգտոնում կայացած քննարկումների մասին։ Ընդգծվել է տարածաշրջանում հաղորդակցությունների փոխադարձ բացմանը վերաբերող պարտավորությունների կատարման կարեւորությունը, ինչպես նաեւ այն, թե իբր այս ուղղությամբ Հայաստանի պարտավորությունները դեռեւս չեն կատարվել։ Միաժամանակ ներկայացվել են ադրբեջանական կողմի տեսակետները «Ղարաբաղում բնակվող հայերի վերաինտեգրման խնդրի վերաբերյալ»։

Հատուկ ներկայացուցիչ Տոյվո Կլաարը հայտարարել է տարածաշրջանում խաղաղության ու կայունության հաստատման եւ հաղորդակցությունների բացման ուղղությամբ ջանքերը շարունակելու Եվրամիության մտադրության մասին։ Նա ընդգծել է Ադրբեջանի եւ Հայաստանի միջեւ կարգավորման գործընթացի եւ արդյունքի վրա հիմնված բանակցությունների կարեւորությունը։

Այս թեմայով Կլաարը՝ Հայաստանի և Ադրբեջանի միջև ձեռք բերված պայմանավորվածության մասին․ «ԵՄ-ն լիովին աջակցում է» Բայրամովը կոչ է արել օրինակ վերցնել Իտալիայի դիրքորոշումից ԵՄ-ն ուզում է տեսնել բովանդակային բանակցություններ, որոնք կհանգեցնեն խաղաղության պայմանագրին․ Կլաար Հուսադրող է, որ ՀՀ–ում ԵՄ առաքելությունը կարողանում է հերքել ռազմական տեղաշարժերի մասին պնդումները․ Կլաար Բայրամովը Չավուշօղլուի հետ քննարկել է իրավիճակը տարածաշրջանում ԵՄ առաքելությունը բաց է Ադրբեջանի հետ համագործակցության համար. Տոյվո Կլաար «ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների». Բայրամով Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Տոյվո Կլաար Բայրամովը և Բոնոն քննարկել են հայ–ադրբեջանական հարաբերությունների կարգավորման գործընթացը Պատմական հնարավորություն կա՝ առաջ մղելու ադրբեջանահայկական խաղաղության օրակարգը. Բայրամով