Բնակարանային գողություններ Վերին Դվին գյուղում. պարզվեց, «հերոսը» նույն գյուղից է (տեսանյութ)

Վերին Դվին գյուղում կատարված բնակարանային գողության վերաբերյալ առաջին ահազանգը դեռևս հոկտեմբերի 4-ին էր: Տանտերը հայտնում էր, որ ժամը 10.30-ից 15.30-ն ընկած ժամանակահատվածում, երբ տանը մարդ չկար, բացել էին պատուհանը, խառնշտորել տան իրերը, սակայն արժեքավոր բան չգտնելով` ոչինչ չէին տարել:

Ոստիկանությունից հայտնում են, որ մեկնել էր բաժնի օպերատիվ խումբը, ձեռնարկվել էին անհրաժեշտ գործողություններ, նաև վարկած էր առաջ քաշվել, որ գողը կարող է նույն գյուղից լինի: Ու մինչ քրեական հետախույզները փորձում էին հաստատել վարկածը` հոկտեմբերի 10-ին ստացվեց նոր ահազանգ: Վերին Դվին գյուղի իրենց տնից տանտերերը բացակայել էին ժամը 12-ից 19-ը: Այս անգամ բացել էին պատուհանը, մտել տուն և ննջասենյակում պահված դրամապանակից գողացել 450 հազար դրամ:

Իրավապահների գործողությունները նոր թափ առան, իսկ նախկին վարկածը մնում էր ամենահավանականը: Իսկ հաջորդ օրը ստացված նոր հաղորդումը գալիս էր հաստատելու վարկածը: Տանտերերը տնից բացակայել էին ցերեկվա ժամը 10-ից 12-ը, այդ ընթացքում բացել էին տան հետնամասի պատուհանը և գողացել 600 հազար դրամ, ոսկյա մատանի:

Իրավիճակը բարդացնում էր այն, որ գյուղական համայնքում օրը ցերեկով անհնար էր որևէ կանխարգելիչ միջոցառում ձեռնարկել կամ դարանակալել: Գյուղի բնակիչ կասկածելի անձանց վերաբերյալ ստուգումները հերթով հերքվում էին: Իրավապահները բնակիչներին զգուշացրին, որ լինեն զգոն, ուշադիր, տանը թանկարժեք իրեր ու մեծ գումար չպահեն:

Իսկ վերջին ահազանգը ստացվեց հոկտեմբերի 31-ին: Տանտերերը բացակայել էին ժամը 10-ից 19-ը: Այդ ընթացքում բացել էին խոհանոցի պատուհանը և տարել 10 հազար դրամ ու երկու գանձանակ` մոտ 60 հազարի մանրադրամով:

Արտաշատի քրեական հետախույզներն արդեն ձեռք էին բերել որոշակի տեղեկություններ, մնում էր ստեղծել ապացուցողական հիմք: Օպերատիվ-հետախուզական ծավալուն միջոցառումների արդյունքում վերջապես հնարավոր եղավ հիմնավորել, որ առաջին վարկածը ճիշտ էր: Գողությունները կատարելու կասկածանքով նոյեմբերի 7-ին ձերբակալվեց Վերին Դվին գյուղի բնակիչ, 24-ամյա մի երիտասարդ: Նա ներկայացվեց նախաքննություն իրականացնող մարմին և դատարանի որոշմամբ նույն օրն էլ կալանավորվեց:

Ձեռարկվում են միջոցառումներ՝ գողոնը հայտնաբերելու ուղղությամբ:

Այս թեմայով Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Հայտնաբերվել է 36 կգ ոսկի ու մի քանի մլրդ դրամ գողություն կատարող կասկածյալներից մեկը ԵՄ դիտորդական առաքելությունը պարեկություն է իրականացրել Սոթք, Վերին Շորժա, Արավուս և Մովսես բնակավայրերում Ադրբեջանը կրակել է Սոթքի, Վերին Շորժայի, Կութի և Չինարիի ուղղությամբ, ՀՀ-ն իրադրությունը չի սրել. ՊՆ Կան բավարար հիմքեր պնդելու, որ աճուրդի արդյունքն օրինաչափ չէ. Դվին ՓԲԸ Ավելի քան 4300 բեռնատար Վերին Լարսում սպասում է սահմանն անցնելուն Բնակարանային գողություն Մարալիկում. Անիի ոստիկանների բացահայտումը Արարատի մարզի «Վերին Արտաշատի միջնակարգ դպրոց» ՊՈԱԿ-ում գործարկվելու է էլեկտրական շչակ Գեղեցկության սրահից գողություն կատարած երիտասարդները հայտնաբերվել են «Բաքվի բարբարոսական վարչախումբը պահանջում է իրեն հանձնել հայկական սրբազան հողի Վերին Ոսկերպար տարածքը»