Մեքենաների կողային հայելիների գողությունը բացահայտվեց

Քանաքեռ-Զեյթունի քրեական հետախույզները օպերատիվ տեղեկությունն իրացրին նոյեմբերի 20-ի գիշերը՝ հերթական կանխարգելիչ շրջայցի ընթացքում: Այս մասին հայտնում է ՀՀ ոստիկանությունը։

«Ժամը չորսին Դրոյի փողոցում, մեքենայից գողություն կատարելու կասկածանքով, նրանք ձերբակալեցին Արարատի մարզի Ազատաշեն գյուղի բնակիչ, 38-ամյա մի տղամարդու: «Աուդիի» սրահում՝ տոպրակի մեջ, հայելիներ կային:

Ոստիկանների հարցին, թե որտեղի՞ց հայելիները, վարորդն ուներ պատրաստի պատասխան. տաքսի ծառայություն է մատուցել, ուղևորներն են մոռացել մեքենայում: Պատասխանը, սակայն, հավատ չէր ներշնչում, քանի որ ոստիկաններն ունեին բոլորովին այլ օպերատիվ տեղեկություն: Հարկավոր էր գտնել մեկ այլ մեքենա, այլ գործող անձերով, և հետագա միջոցառումները տրամաբանական ավարտին հասցնելու համար Քանաքեռ-Զեյթունի ոստիկանները դիմեցին պարեկների օգնությանը:

Պարեկները ճշգրտությամբ կատարեցին իրենց բաժին գործը: Ժամը 5.30-ին Պարույր Սևակի և Կարապետ Ուլնեցու փողոցների խաչմերուկում նրանք նկատեցին կասկածելի մի «Օպել», կանգնեցրին, հանգամանորեն ստուգեցին վարորդի փաստաթղթերը` մինչև տեղ կհասնեին Քանաքեռ-Զեյթունի գործընկերները:

Ձերբակալվեցին և, «Օպելով» հանդերձ, բաժին տեղափոխվեցին Նոյեմբերյան, Ստեփանակերտ և Իջևան քաղաքների երեք բնակիչ` 24, 27 և 35 տարեկան տղամարդիկ:

Շուտով հայտնի դարձավ, որ գիշերվա ժամը չորսին գողացել էին Ռուբինյանց փողոցում կայանված «Լեքսուսի» կողային հայլիները, այն հայելիները, որ հայտնաբերվել էին «Աուդիի» սրահում:

Պարզվեց, որ չորսն էլ գործել էին միասին, իսկ երկու մեքենա օգտագործել էին հանցափաստով չբռնվելու համար: Նրանցից մեկի մոտ դանակ կար, որով, ըստ իր հայտնածի, կտրել էր հայելիների մալուխները:

Պարզվել է նաև «Լեքսուսի» տիրոջ ինքնությունը, նրանից ընդունվել է հաղորդում:
Փաստի առթիվ նախաձեռնվել է քրեական վարույթ»,-ասված է հաղորդագրության մեջ:

Այս թեմայով Բնակարանային գողությունը Արաբկիրի բաժնի ոստիկանները բացահայտեցին թարմ հետքերով Գողությունը կատարել էր 28-ամյա համագյուղացին Կողային ապակիների լուսաթափանցելիության կանոնը երկու անգամ խախտելու համար վարորդը 2 տուգանային բալ կստանա «Բաստիոն» մեքենաների խմբաքանակը շուտով կլինի ՀՀ-ում, գիշերային հեռադիտակների մի մասն արդեն ստացել եք Գողությունը կազմակերպել էր հարսը. Նոր Նորքի քրեական հետախույզների բացահայտումը «Ժողովուրդ». Տարին «չսկսած» ԱԺ-ն 14 մլն 500 հազար դրամ է հատկացրել՝ սպասարկող մեքենաների վերանորոգման համար Երևանում շտապօգնության մեքենան բախվել է այլ մեքենաների, 6 վիրավոր կա. Shamshyan Գյումրու մաքսատանը մեքենաների կայանման տուրքը 1-ին 3 օրերին կլինի անվճար, հետո՝ ներկայիս գնից բարձր Առևտրի օբյեկտները տեսախցիկ կունենան հսկիչ դրամարկղային մեքենաների համար. Բադասյան Հայաստանի և Վրաստանի սահմանին մեքենաների հսկայական հերթեր են. ինչն է խցանումների պատճառը