ՄԻԱՎ-ի տարածվածության առումով Հայաստանը տարածաշրջանում բարվոք դիրքում է

Հայաստանում 2021 թվականի դեկտեմբերի 31-ի դրությամբ կար գրանցված ՄԻԱՎ/ՁԻԱՀ-ի 4579 դեպք: 2022 թվականի հոկտեմբերի վերջի դրությամբ այդ թիվն ավելացել է 430-ով: Մեծամասամբ 70 տոկոս դեպքերում վարակը հայտնաբերվում է տղամարդկանց մոտ: Ինչ վերաբերվում է տարիքային խմբերին, ապա ամենաշատը դեպքերը հայտնաբերվում են 25-39 տարեկանների մոտ:

Վերջին տարիներին Հայաստանում ՄԻԱՎ-ի տարեկան գրանցված նոր դեպքերի թիվը կտրուկ չի տատանվում, սակայն, ամեն դեպքում, ավելացման միտում կա: Մասնավորապես, 2017 թվականին գրանցվել էր 358 նոր դեպք, 2018 թվականին՝ 429, 2019-ին՝ 448, 2020 թվականին գրանցված ցուցանիշը 2019-ի համեմատ մի փոքր իջել է, սակայն դա պայմանավորված էր քովիդի համավարակով, ինչը խանգարել է նոր դեպքերի բացահայտմանը: 2021 թվականին նոր դեպքերի ցուցանիշը կազմել է 425:

«Սպասվում է, որ այս ցուցանիշը կաճի՝ պայմանավորված միգրացիայի ակտիվությամբ: Չնայած ցուցանիշի աճին, կարող ենք ասել, որ տարածաշրջանում մենք բարվոք վիճակում ենք: Վարակի տարածվածությունը մեզ մոտ կազմում է 0.1 տոկոս»,- ասուլիսում այս մասին նշեց ՀՀ ԱՆ Ինֆեկցիոն հիվանդությունների ազգային կենտրոնի գիտական, մեթոդական և զարգացման գծով փոխտնօրեն Նարինա Սարգսյանցը:

ԱՀԿ-ի կողմից դրված է «95, 95, 95» նպատակ, որին պետք է հասնեն երկրները մինչև 2030 թվականը: Այն է, դեպքերի հայտնաբերման, բուժման, վիրուսի ճնշման ցուցանիշները լինեն 95 տոկոս: Նարինա Սարգսյանցը նկատեց, որ բոլոր ուղղություններով Հայաստանը զգալի աշխատանք ունի անելու, սակայն ամենաշատը հայտնաբերման ցուցանիշը բարելավելու կարիք կա: Շատ են դեպքերը, երբ քաղաքացիները ուշացած են դիմում, և վարակն արդեն իր գործն արած է լինում:

«Այնինչ, այսօր բուժման ընթացքում այնպիսի դեղամիջոցներ են կիրառվում, որ հնարավոր է վիրուսը ճնշել: Դեղերն այնքան հզոր են, որ լինում է արյան մեջ չորոշվող մակարդակ: Ավելին ասեմ, եթե վիրուսը վաղ է հայտնաբերվում, նույնիսկ հղիների պարագայում ժամանակին բուժում ստանալը նպաստում է, որ այն չփոխանցվի պտղին: Հետևաբար, շատ կարևոր է, որ մարդիկ իրազեկված լինեն ու պարբերաբար ստուգվեն»,-ասաց Նարինա Սարգսյանցը:

Նա հիշեցրեց, որ վարակի փոխանցման գերակշռող ուղիները՝ հետերոսեքսուալ, հոմոբիսեքսուալ շփումներ են: Նախկինում մեծ տոկոս էր կազմում թմրամիջոցների ներերակային ճանապարհով օգտագործումը: Այսօր այդ ուղղությամբ վարակվածությունը կազմում է 5.8 տոկոս, ինչը նվազել է:

Հայաստանում ՄԻԱՎ-ի հայտնաբերման հետազոտությունը և բուժումն անվճար է ու անանուն: Մասնագետը հորդորեց թիրախային խմբերին, հատկապես կասկածելի վարքագիծ դրսևորած քաղաքացիներին, անպայման ստուգվել:  Ժամանակին բուժում ստանալը կօգնի վարակված անձի առողջական խնդիրները հասցնել նվազագույնի:

Դեկտեմբերի 1-ին՝ ՁԻԱՀ-ի դեմ պայքարի համաշխարհային օրը, Երևանի Ազատության հրապարակում ժամը 13։00-19։00-ն կգործի շարժական բուժախտորոշիչ կլինիկա, որտեղ ցանկացողները կարող են անվճար թեստավորվել:

Այս թեմայով Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով «Հիմա փոքր Վարդանն է բոլորիս ուժ տալիս, եղբայրները խենթանում են նրա համար». Վարդան Կևորկովն անմահացել է 2022 թ. սեպտեմբերի 13-ին Ներքին Հանդի դիրքում. «Փաստ» Օտարերկրյա զորքերի մուտքը Հարավային Կովկաս չի նպաստում տարածաշրջանում կայունությանը. Քանանի Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկների պայքարը (տեսանյութ) Փաշինյանական խունտան փորձում է առանց մեկ կրակոց արձակելու զրկել Հայաստանը պաշտպանունակության հնարավորությունից․ Արմեն Այվազյան Առաջին անգամ Հայաստանը և Ադրբեջանը սեղանի շուրջ հարց են լուծել. Նիկոլ Փաշինյան Սամվել Վարդանյանի հետ կապված պատմությունը՝ «լակմուսի թուղթ» հանրային տրամադրությունների առումով. «Փաստ» ՈՒՂԻՂ․ Հայաստանը ՄԱԿ-ի դատարանում պատասխանում է Ադրբեջանի մեղադրանքներին