Հայաստանն Ադրբեջանի հետ բանակցային գործընթացը փակուղային չի համարում. Էդուարդ Աղաջանյան

Հայաստանը Ադրբեջանի հետ բանակցային գործընթացը փակուղային չի համարում։ Լրագրողների հետ ճեպազրույցում այս մասին ասաց Ազգային ժողովի արտաքին հարաբերությունների հանձնաժողովի նախագահ Էդուարդ Աղաջանյանը` պատասխանելով հարցին, թե արդյոք վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ դեկտեմբերի 7-ին նախատեսված հանդիպման չեղարկումը խոսում է բանակցային գործընթացի փակուղում գտնվելու և սահմանային նոր բախումների հնարավորության մասին։

«Մենք չենք համարում, որ իրավիճակը փակուղային է։ Ընդամենը արձանագրել ենք, որ կար հստակ պայմանավորվածություն, և Հայաստանի Հանրապետությունը այդ պայմանավորվածությունից հետ չի կանգնում։ Ադրբեջանի դիրքորոշումը և գործելակերպը այս տեսանկյունից  նորություն չէ։ Եղել են այլ դեպքեր ևս, երբ ադրբեջանական կողմը հրաժարվել է նախնական պայմանավորվածության համաձայն հանդիպումներին ներկայանալ, ինչը բնավ դրական գործընթաց չէ, բայց մենք չենք համարում, որ գործընթացը փակուղային է»,- ասաց Աղաջանյանը։

Ադրբեջանի նախագահ Իլհամ Ալիևը հայտարարել էր, որ դեկտեմբերի 7-ին Բրյուսելում նախատեսված հանդիպումը չի կայանա՝ նշելով, որ հայկական կողմը համաձայն է հանդիպել միայն Ֆրանսիայի նախագահ Էմանուել Մակրոնի մասնակցությամբ , իսկ դա նշանակում է, որ հանդիպումը տեղի չի ունենա։

Հայաստանի Հանրապետության արտաքին գործերի նախարար Արարատ Միրզոյանն իր հերթին հայտարարել է, որ Պրահայում տեղի ունեցած քառակողմ հանդիպման ժամանակ պայմանավորվածություն էր ձեռք բերվել հաջորդ հանդիպման վերաբերյալ։

ԱԳ նախարարն ընդգծել է․ որ Հայաստանը շարունակում է հավատարիմ մնալ այս պայմանավորվածությանը և կրկին պատրաստակամություն է հայտնում ընդունելի ժամկետներում կազմակերպել Հայաստանի վարչապետի, Ադրբեջանի նախագահի, Ֆրանսիայի նախագահի և Եվրոպական խորհրդի նախագահի հանդիպումը։

Այս թեմայով Ի՞նչ իմաստ ունի Ադրբեջանի հետ ինչ որ բան պայմանավորվել, եթե մեկ է՝ դրանք էլի խախտվելու են Մենք պիտի հասնենք խաղաղության՝ ի հեճուկս Ադրբեջանի մղումների. Վահագն Ալեքսանյան 11 օրվա ընթացքում Սեդա Սաֆարյանի հաշիվներին մեծ գումարների տեղաշարժեր եղե՞լ են․ Աղաջանյան Արցախը չի՛ կարող լինել Ադրբեջանի կազմում․ դա են վկայում Ալիևի ռազմատենչ հայտարարությունները Արցախը չի՛ կարող լինել Ադրբեջանի կազմում․ դա են վկայում Ալիևի ռազմատենչ հայտարարությունները Գեղարքունիքում պետական պարգեւներ հանձնվեցին Ադրբեջանի սեպտեմբերյան ագրեսիայի ժամանակ զոհված զինծառայողների ընտանքիներին Թող Զախարովան ուշադրություն դարձնի՝ ի՞նչ արձագանք է եղել ՌԴ առաջարկին Ադրբեջանի կողմից․ Սիմոնյան (տեսանյութ) Նաիր Տիկնիզյանն ու Էդուարդ Սպերցյանը միացան Հայաստանի հավաքականին (տեսանյութ) «Ադրբեջանի ներկայացրած ընտրությունը խաղաղ հանձնման կամ ուժի կիրառմամբ` ՀՀ-ի օկուպացման միջև է»․ Տիգրան Աբրահամյան Գարեգին Բ կաթողիկոսն իրաքցի պաշտոնյաներին է ներկայացրել Ադրբեջանի ոտնձգությունները