Ավետիք Իսահակյանի հուշատուն-թանգարանը ներկայանում է նորովի

Գյումրիում  Ավետիք Իսահակյանի   հուշատուն-թանգարանը ներկայանում է նորովի: Ինչպես տեղեկացնում է «Արմենպրես»-ը, թանգարանը ներկայանում է նոր ցուցադրությամբ ու թարմացված ցուցանմուշներով:

Թանգարանում ներկայացված է Շուշանիկ Մատակյանի նամակը Վարպետին: Դա Ավետիք Իսահակյանի թոռան՝ Ավիկ Իսահակյանի նվերն է հարազատ քաղաքին։ «Բոլոր դասագրքերում գրված է, որ Ավետիք Իսահակյանի նամակը Շուշանիկին պահպանվում է, սակայն Շուշանիկ Մատակյանի նամակը չկա։ Այսօրվանից գրականության և իսահակյանագիտության մեջ փոխվում է շատ կարևոր մի շեշտադրոմ․ Շուշանիկ Մատակյանի նամակը կա և այն Գյումրիում է, Ավետիք Իսահակյանի հուշատուն-թանգարանում»,-«Արմենպրես»-ի հետ ուենցած զրույցի ժամանակ նշեց Գյումրու համայնքապետարանի մշակույթի և երիտասարդության հարցերի բաժնի պետ Լիլիթ Թովմասյանը։ Ի դեպ, նամակը թանգարանում ոչ միայն կարելի է կարդալ, այլ նաև լսել․ Վարպետի ու Շուշանիկ Մատակյանի նամակը ընթերցել են Բաբկեն Չոբանյանն ու Նարինե Գրիգորյանը։

Ավետիք Իսհակյանի հուշատուն-թանգարանի նոր ցուցադրությունը միայն նամակով չի սահմանափակվում։ Մյուս կարևոր ցուցանմուշներից են Վարպետի նամակները Զաբել Եսայանին, Արշակ Չոբանյանին, Անդրանիկ Կարապետյանին, Հովհաննես Շիրազին և դրանց պատասխան նամակները։

Որպես այդպիսին թանգարանում էքսպոզիցիայի փոփոխություն տեղի էր ունեցել 20 տարի առաջ: Այսօր արդեն փոխվել է Իսահակյանի գրական ստեղծագործական ժառանգությունը ներկայացնող 4 ցուցասրահների ամբողջ ցուցադրությունը, անցկացվել է կետային լուսավորություն, ավելացվել են մեծադիր պաստառներ, կատարվել է հսկայական տպագրական աշխատանք։ Առաջին սրահում այցելուին դիմավորում է կենսագրության տպագիր պատը, ինչը թանգարանային մշակույթի մեջ նոր ձևաչափ է, նոր խոսք։

Թանգարանը հագեցվել է աուդիո-վիդեո սարքավորումներով, որոնց մեջ ներբեռնված է Իսահակյանի ու նրա գրական ժառանգության մասին հնարավոր առավելագույն տեղեկատվությունը։ Թանգարանում նաև առկա են Հանրային հեռուստաընկերության արխիվից վերցված բացառիկ տեսանյութեր, կադրեր ու ձայնագրություններ, որոնցում երևում ու խոսում է Իսահակյանը։ Դրանք ցուցադրելու հարցում թանգարանին աջակցել է էլեկտրոտեխնիկայի վաճառքով զբաղվող ընկերություններից մեկն ու թանգարանին նվիրել է անհրաժեշտ պլանշետները։

Իսահակյանի տուն-թանգարանում իրենց հարմարավետ կզգան նաև Գյումրի այցելող զբոսաշրջիկները․ այսուհետ օտարերկրյա այցելուները, որոնք մեծ տեսակարար կշիռ ունեն թանգարան այցելությունների մեջ, կարող են Իսահակյանի բանաստեղծությունները լսել իրենց համար հասկանալի լեզվով․ դրանք թարգմանված են ռուսերեն, անգլերեն, ֆրանսերեն և գերմաներեն։

Նոր էքսպոզիցիոն պլանն իրականացվել է ԿԳՄՍՆ դրամաշնորհային ծրագրով՝ 2 մլն 300 հազար դրամի շրջանակներում։ Վերանորոգման համար նախատեսված շինաշխատանքների համար պահանջվող 700 հազար դրամը տրամադրել է համայնքային բյուջեն։

Այս թեմայով «Շուշիի գորգերի թանգարանը միակն է, որ պատերազմի ժամանակ փրկվեց, բայց տեղ դեռ չունենք» (տեսանյութ) Նիկոլ Փաշինյանը ընդունեց, որ հայտնվել է թշնամական մուրճի և ժողովրդական զնդանի արանքում. Ավետիք Չալաբյան Արժանապատվություն ունեցող երկրի ղեկավարը կսառեցներ ցանկացած բանակցություն, քանի դեռ թշնամու բանտերում տառապում են իր գերիները․ Ավետիք Իշխանյան Մի՞թե բոլորս ենք համակերպվել ամենօրյա զոհերին, մի՞թե ողջ Հայաստանը բթացել է․ Ավետիք Իշխանյան Արցախը երբեք չի եղել Ադրբեջանի Հանրապետության կազմում. Ավետիք Չալաբյան «Ժողովուրդ». Դավիթ Տոնոյանի գործով կալանավորածի դստերն ազատել են աշխատանքից Genetic Code ակրոբատիկ ներկայացումն այժմ նորովի Միջադեպը թույլ չտվեց լիարժեք վայելել Հայաստանը նորովի ներկայացնելու մեր ջանքը. Արայիկ Հարությունյան Լուվրի հետ համագործակցությամբ՝ Էրեբունի թանգարանը կունենա բոլորովին նոր ցուցադրություն Մեր մտքերը, մեր քայլերը, մեր աշխատանքն ու նպատակները պետք է ուղղենք Արցախի նորովի վերածննդին․ «Ապրելու երկիր»