Երեք օրում բացահայտվել է հանցագործության 135 դեպք. գրանցվել է 54 ավտովթար, 7 մարդ զոհվել է, 71-ը՝ վիրավորվել

Ըստ ոստիկանության օպերատիվ հաղորդագրությունների ամփոփագրերի՝ դեկտեմբերի 2-5-ը Հայաստանի Հանրապետության ոստիկանության ստորաբաժանումները բացահայտել են հանցագործության 135 դեպք, որից 8-ը՝ նախկինում կատարված։

Մասնավորապես բացահայտել են մարմնական վնասվածք պատճառելու՝ 23, անձնական ունեցվածքի գողության՝ 20, ընտանեկան բռնության՝ 18, թմրամիջոցի հայտնաբերման՝ 14, խուլիգանության՝ 13, խարդախության՝ 7, սառը զենքի հայտնաբերման՝ 6, ընտանեկան գաղտնիք հրապարակելու և հոգեկան ներգործության՝ 3-ական, զենք-զինամթերքի առգրավման ու պաշտոնեական լիազորությունների չարաշահման՝ 2-ական, սպանության փորձի, անձի առևանգման, պետական-հասարակական ունեցվածքի գողության, բնակարանային գողության, յուրացնելու կամ վատնելու, ապօրինի ծառահատման, քրեական ենթամշակույթ կրող խմբավորմանը մասնակցելու կամ ներգրավելու, ահաբեկչության մասին կեղծ հաղորդում տալու, փաստաթղթի կեղծիքի, արգելանքի վերցված, ձերբակալված, կալանավորված կամ քրեակատարողական հիմնարկում պատիժ կրող անձի փախուստի կամ ազատությունից զրկելու հետ կապված պատիժը կրելուց խուսափելու, բռնություն գործադրելու հրապարակային կոչերի, պաշտոնատար անձի ծառայողական կամ քաղաքական գործունեությանը միջամտելու և վստահված գույքը հափշտակելու՝ 1-ական դեպք։

Հայտնաբերվել է 13 հետախուզվող: Կամավոր ներկայացել է 3 հետախուզվող։

Գրանցվել է զենք-զինամթերքի կամավոր հանձնման 3 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 4, մարմնական վնասվածք պատճառելու, ավազակային հարձակման, խարդախության և համակարգչային հանցագործության՝ 1-ական դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 54 պատահար. 7 մարդ զոհվել է, 71-ը՝ ստացել տարբեր աստիճանի մարմնական վնասվածքներ:

Այս թեմայով Մահվան ելքով վրաերթ՝ Երևանում․ փախուստի դիմած վարորդը հայտնաբերվել է Արտակարգ դեպք՝ Երևանում․ հաստաբուն ծառը կոտրվել և ընկել է ավտոմեքենաների վրա Վայոց ձորում իրանական համարանիշերով բեռնատարը կողաշրջվել է Բացահայտվել է ընդհանուր ավելի քան 13 կգ «Հերոին», «Մեթամֆետամին» և «Մարիխուանա» տեսակի թմրամիջոցների մաքսանենգության դեպք «Պրոթեզով մարդ է, խի՞ եք տանում»․ քաղաքացիները՝ ոստիկանին Նոր Երզնկայում ավտոբուսը բախվել է քարե պարսպին և հայտնվել բնակչի բակում․ 29 մարդ հոսպիտալացվել է Դուբայում գրանցվել են ամենաշատ տեղումները վերջին 75 տարվա ընթացքում (լուսանկարներ) Մեկ ամսում 70 հարկ վճարողի մոտ գրանցվել են վարձու աշխատողի չձևակերպման դեպքեր Խոշոր ավտովթար Երևանում, մեքենաներից մեկը գլխիվայր շրջվել է «Ժողովուրդ». Այսօր հայտնի կդառնա, թե որ երեք դատավորներն են գնում ՄԻԵԴ