Ալիևն ընդունել է Թուրքիայի ռազմական ղեկավարությանը
Турция
Դեկտեմբերի 5-ին Ադրբեջանի Հանրապետության նախագահ Իլհամ Ալիևն ընդունել է Թուրքիայի Հանրապետության ազգային պաշտպանության նախարար Հուլուսի Աքարի գլխավորած պատվիրակությանը։
Պատվիրակության կազմում են զինված ուժերի գլխավոր շտաբի պետը, ցամաքային զորքերի հրամանատարը, ռազմածովային ուժերի հրամանատարը և Թուրքիայի ռազմաօդային ուժերի հրամանատարը, հայտնում է ԱՊԱ-ն։
Հանդիպմանը նշվել է, որ «2022 թվականը շատ հաջող է եղել Ադրբեջանի և Թուրքիայի միջև բարեկամական և եղբայրական հարաբերությունների զարգացման առումով, ընդգծվել է, որ երկուր երկրների կապերն ամրապնդվում են բոլոր ոլորտներում, այդ թվում՝ ռազմական»։ Այս առումով նշվել է Ադրբեջանում ներկայումս անցկացվող ադրբեջանա-թուրքական համատեղ զորավարժությունների մեծ նշանակությունը։ Նշվել է, որ «Ադրբեջանն ու Թուրքիան միշտ կլինեն միմյանց կողքին»։
Զրույցի ընթացքում հատկապես նշվել է Ադրբեջանի և Թուրքիայի նախագահների պարբերական հանդիպումների դերը երկուր երկրների հարաբերությունների զարգացման գործում, և գոհունակությամբ ընդգծվել է, որ երկու պետությունների ղեկավարների կողմից ընդունված որոշումների հիման վրա ռազմական ոլորտում, ինչպես նաև այլ ոլորտներում հաջողությամբ շարունակվում է համագործակցությունը։
Վստահություն է հայտնվել, որ Հուլուսի Աքարի այցը Ադրբեջան կնպաստի կապերի ընդլայնմանը։
Հանդիպմանը կողմերը մտքեր են փոխանակել համագործակցության հեռանկարների շուրջ։
Самое популярное 
Какой гражданский договор: почему запаниковали Андраник Кочарян и ГД?: ''Паст''
