ԱԱ-2022. Խորվաթիան հետխաղյա 11 մետրանոցների շնորհիվ դուրս եկավ քառորդ եզրափակիչ

Ֆուտբոլի աշխարհի առաջնության 1/8 եզրափակիչի խաղում աշխարհի փոխչեմպիոն Խորվաթիայի հավաքականը հետխաղային 11-մետրանոցներով հաղթեց ճապոնացիներին եւ դուրս եկավ քառորդ եզրափակիչ։ Հիմնական ժամանակն ավարտվել էր ոչ ոքի՝ 1:1։

Խաղի հաշիվը 43-րդ րոպեին բացեց Ճապոնիայի հավաքականը անկյունայինի խաղարկումից հետո։ Գերմանական «Շալկեի» 34-ամյա պաշտպան Մայա Յոշիդայի փոխանցումից հետո աչքի ընկավ շոտլանդական «Սելթիկի» 25-ամյա հարձակվող Դայձեն Մաեդան (տեսանյութ)։

Խորվաթիայի հավաքականը հաշվի հավասարությունը վերականգնեց երկրորդ խաղակեսում։ 56-րդ րոպեին գոլի հեղինակ դարձավ Լոնդոնի «Տոտետնհեմի» 33-ամյա հարձակվող Իվան Պերիշիչը, որին արդյունավետ փոխանցում կատարեց Սանկտ Պետերբուրգի «Զենիթի» 33-ամյա պաշտպան Դեյան Լովրենը։

Նշանակվեց լրացուցիչ ժամանակ, որի ընթացքում թիմերը գոլ խփել չկարողացան։

Հետխաղային 11-մետրանոցներով Խորվաթիան առավելության հասավ 3:1 հաշվով։ 

Երեք սեյվ կատարեց Զագրեբի «Դինամոյի» 27-ամյա դարպասապահ Դոմինիկ Լիվակովիչը։ Ճապոնիայից վրիպեցին «Մոնակոյի» 27-ամյա հարձակվող Տակումի Մինամինոն, անգլիական «Բրայթոնի» 25-ամյա կիսապաշտպան Կաորու Միտոման եւ Մայա Յոշիդան։ Միակ հարվածն արդյունավետ իրացրեց գերմանական «Բոխումի» 28-ամյա հարձակվող Տակումա Ասանոն։

Խորվաթիայի թիմից հաջողության հասան իտալական «Տորինոյի» 25-ամյա կիսապաշտպան Նիկոլա Վլաշիչը, Միլանի «Ինտերի» 30-ամյա կիսապաշտպան Մարցելո Բրոզովիչը եւ իտալական «Ատալանտայի» 27-ամյա կիսապաշտպան Մարիո Պաշալիչը։ Վրիպեց միայն խորվաթական «Հայդուկի» 29-ամյա հարձակվող Մարկո Լիվայան։

Խորվաթիան քառորդ եզրափակիչում կմրցի Բրազիլիա - Հարավային Կորեա զույգի հաղթողի հետ։ 

Այդ հանդիպումը կմեկնարկի Երեւանի ժամանակով 23:00-ին։

Այս թեմայով Հայաստանի ազգային հավաքականի գլխավոր մարզիչ Ալեքսանդր Պետրակովի ասուլիսը (տեսանյութ) Հայաստան-Թուրքիա ֆուտբոլային հանդիպումն ավարտվեց 1:2 հաշվով Հայաստան - Թուրքիա՝ 1:1 առաջին խաղակեսում Հայաստան-Թուրքիա՝ 1-0. մեր հավաքականը բացում է խաղի հաշիվը ՀՖՖ-ն հրապարակել է Հայաստան-Թուրքիա խաղում Հայաստանի հավաքականի մեկնարկային կազմը Հայաստանի ազգային հավաքականի երկրպագուները երթով շարժվում են դեպի Հանրապետական մարզադաշտ (տեսանյութ) «Աթոռներին փակցված են թղթեր, խնդրում ենք պարզել ուղիղ». FAF-ը դիմում է երկրպագուներին Հայաստանի ազգային հավաքականի վերջին մարզումը Թուրքիայի դեմ խաղից առաջ (տեսանյութ) Թուրքիայի ֆուտբոլի ընտրանու մարզիչը վերլուծությունները մի կողմ դրած է մոտենում Հայաստանի դեմ խաղին «Առաջին խաղն է էս մարդու»․ Պետրակովը քմծիծաղ տվեց հարցից հետո․ «Հրապարակ»