Առաջնորդվելու եմ միմիայն օրինականության և իրավունքի գերակայության սկզբունքների հիման վրա. Հայկ Գրիգորյան

Բարձրագույն դատական խորհրդի անդամի թեկնածու Հայկ Գրիգորյանը վստահեցնում է, որ ընտրվելու դեպքում առաջնորդվելու է միայն օրինականության և իրավունքի գերակայության սկզբունքներով:

Գրիգորյանն այս մասին ասաց ԱԺ նիստում իր թեկնածության հարցի քննարկմանը:

«Քաղաքացիական պայմանագիր» խմբակցության պատգամավոր Արսեն Թորոսյանը հետաքրքրվեց՝ ընտրվելով ԲԴԽ անդամ՝ Գրիգորյանն ի՞նչ քայլեր է ձեռնարկելու՝ կանխարգելելու, արգելելու միջամտությունները դատական  իշխանության գործերին, ապահովելու անկախ դատական համակարգ, այդ թվում՝ գործող իշխանություններից:

Գրիգորյանը կարծում է, որ ԲԴԽ անդամն ունի ներազդելու մեկ եղանակ: «Դա արդար քվեարկությունն է: Այն բոլոր դեպքերում, երբ դատավորների ընդհանուր ժողովի էթիկայի և կարգապահական հարցերի հանձնաժողովի կամ լիազոր մարմնի կամ Կոռուպցիայի կանխարգելման հանձնաժողովի կողմից կհարուցվեն կարգապահական վարույթներ և կներկայացվեն ԲԴԽ-ի քննարկմանը, միանշանակ արդար քվեարկության միջոցով, օրինականության և իրավունքի գերակայության սկզբունքով, օգտագործելով իմ ձայնը, քվեարկելու եմ անաչառ՝ ի շահ իրավունքի գերակայության»,-ասաց ԲԴԽ անդամի թեկնածուն:

Պատգամավորը հավելեց՝ այսինքն կարելի՞ է վստահաբար պնդել, որ ընտրվելու դեպքում ԲԴԽ անդամ Հայկ Գրիգորյանն առաջնորդվելու է միայն օրենքով, անաչառությամբ և ներքին համոզմունքներով, որոնք հիմնված են օբյեկտիվ հանգամանքների վրա:

Գրիգորյանը վստահեցրեց. «Միանշանակ, ես իմ պարտականությունների կատարման ընթացքում առաջնորդվելու եմ միմիայն օրինականության և իրավունքի գերակայության սկզբունքների հիման վրա»:

Բարձրագույն դատական խորհրդի անդամի պաշտոնում Հայկ Գրիգորյանի թեկնածությունն առաջադրել է ԱԺ «Քաղաքացիական պայմանագիր» խմբակցությունը:

Այս թեմայով Պատգամավորը կարևոր ձեռքբերում է համարում սահմանազատումն Ալմաթիի հռչակագրի հիման վրա իրականացնելու շուրջ Հայաստանի ու Ադրբեջանի պայմանավորվածությունը Երևանը պատրաստ է ստորագրել Բաքվի հետ համաձայնագիր նախկինում համաձայնեցված սկզբունքների հիման վրա Արցախի պատգամավորներին կշտամբել եմ ու ասել՝ Արցախի խնդիրը փոխզիջումների հիման վրա պետք է լուծվի Նախադպրոցական ուսումնական հաստատության ղեկավարման իրավունքի հավակնորդների փաստաթղթերի ընդունում ՎՎՀԿԿ համակարգի (НАССР) սկզբունքների վրա հիմնված ընթացակարգերի պահպանումը պարտադիր է Իմ դիմումի հիման վրա ՀՀ քննչական կոմիտեում վարույթ է նախաձեռնվել Նարեկ Սամսոնյանի բռնի ձերբակալության առիթով․ Թովմասյան Արարատի կոնյակի գործարանում վերահսկողություն կիրականացվի Հաստատվել է նախադպրոցական հաստատության ղեկավարման իրավունքի քննության թեստավորման փուլի նոր հարցաշարը Զրույցներ պետության մասին-2, իրավունքի և պաշտպանության աղբյուրը. Փաշինյան Լեզվի կոմիտեն տարբեր լեզուներից փոխառնվող հատուկ անունների գրության և արտասանության սկզբունքների մշակման կարիք է տեսնում