Գործատուի և աշխատողի համաձայնությամբ՝ հնարավոր կլինի աշխատել նաև հեռավար եղանակով

Հեռավար եղանակով աշխատելու հնարավորության տրամադրման նպատակով՝ Աշխատանքի և սոցիալական հարցերի նախարարության կողմից մշակվել և e-draft իրավական ակտերի նախագծերի հրապարակման միասնական կայքում հանրային քննարկման է ներկայացվել «Հայաստանի Հանրապետության աշխատանքային օրենսգրքում լրացում և փոփոխություններ կատարելու մասին» օրենքի նախագիծը։

Նախագծով առաջարկվում են հեռավար և համակցված հեռավար եղանակներով աշխատանքի կազմակերպման հստակ և ճկուն ընթացակարգեր, որոնք հնարավորություն կտան աշխատանքային պարտականությունները կատարել՝ առանց աշխատավայր ներկայանալու։

Նախագծի մշակումը պայմանավորված է այն հանգամանքով, որ գործող կարգավորումներով հեռավար եղանակով հնարավոր է աշխատել միայն տարերային աղետների, տեխնոլոգիական վթարների, համաճարակների, դժբախտ պատահարների, հրդեհների և արտակարգ բնույթ կրող այլ դեպքերի կանխարգելման կամ դրանց հետևանքների անհապաղ վերացման ժամանակահատվածներում:

Նոր կարգավորումները հնարավորություն կտան գործատուի և աշխատողի համաձայնությամբ աշխատանքները հեռավար եղանակով իրականացնել ինչպես ամբողջությամբ (այսինքն՝ ոչ աշխատավայրից), այնպես էլ համակցված (աշխատանքների մի մասը՝ հեռավար, մյուս մասը՝ աշխատավայրից)։

Նախագծի վերաբերյալ կարծիքներ և առաջարկներ կարող եք ներկայացնել՝ e-draft իրավական ակտերի նախագծերի հրապարակման միասնական կայքում՝ հետևյալ հղմամբ։

Այս թեմայով Ստեփանակերտը Բաքվի հետ բանակցային գործընթացը հնարավոր է համարում միայն միջազգային ձևաչափում Մինչև հունիսի 1-ը փակ կլինի Արշակունյաց պողոտա-Գարեգին Նժդեհ խաչմերուկից Արցախի պողոտա ուղղությունը Երևանում մինչև մարտի 28-ը հնարավոր է կարճատև անձրև, ամպրոպ Եթե խաղաղապահներն ուժով հեռացնեն Լաչինը փակած ադրբեջանցիներին, հնարավոր է՝ վիճակն ավելի վատանա «Ադրբեջանցիների ու հայերի համատեղ կեցությունը հնարավոր չէ․ դա ապացուցվում է ամեն օր» (տեսանյութ) Կադաստրի կոմիտեն էլեկտրոնային եղանակով փաստաթղթերը կստանա․ «թվային բարեփոխում» ենք իրականացնում Խաղաղության համար պետք է ուղեղով աշխատել, չսողա՛լ․ Գեղամ Մանուկյան Ինչքան վախեցան, որ Օնիկ Գասպարյանը եկավ հանձնաժողով ու ցանկություն հայտնեց աշխատել. Ա․ Քոչարյան Այսուհետ հնարավոր կլինի հայտնաբերել ցանկացած մակերեսի վրայի թմրամիջոցի հետքերը․ սարքավորում է գնվել 26 հարկ վճարողի մոտ արձանագրվել է աշխատողի աշխատանքի ընդունումը չձևակերպելու խախտում