Ահռելի մեծ պլաններ ունենք, և այո՛, դրանց մի մասը կարող է թերակատարվել․ նորմա՛լ է․ Հակոբ Արշակյան

ՀՀ ազգային ժողովի փոխնախագահ Հակոբ Արշակյանը վստահեցնում է, որ կառավարությունն ահռելի մեծ պլաններ ունի և արդեն իսկ մեծ ծրագրեր է իրականացրել՝ մատնանշելով ճանապարհաշինության ոլորտում արձանագրված ցուցանիշները. Նրա խոսքով՝ այդ շատ ծրագրերի, պլանների մեջ կարող են լինել նաև թերակատարումներ, ինչը նորմալ է: Արշակյանն այս մասին ասաց ԱԺ ամբիոնից՝ պատասխանելով  «Հայաստան» խմբակցության պատգամավոր Արթուր Խաչատրյանի ելույթին՝ վարկային համաձայնագիր վավերացնելու նախագծի քննարկման շրջանակում:

Խաչատրյանն իր ելույթում քննադատեց կառավարությանը՝ կարծիք հայտնելով, որ վարկով վերցված գումարներով ներդրում չի արվել այն բնագավառներում, որտեղ պետք է ներդրում արվեր, օրինակ՝ կապիտալ ծախսերը թերակատարվում են: Ըստ նրա՝ կառավարությունը չի կարող դա իրացնել, սխալ է գնահատել պոտենցիալը: Պատգամավորի կարծիքով, դա չկատարելով, կառավարությունը խափանել է տնտեսության աճը, իսկ առկա աճը, նրա գնահատմամբ, կառավարության կամքից անկախ է գրանցվել, Հայաստան եկած ռուսների շնորհիվ է եղել: «Կառավարությունը, որը միշտ քննադատել է վարկային բեռի ավելացումը, աննախադեպ մակարդակի է հասցրել այդ վարկը: Եվ այդ պարտքերը թիրախային զարգացմանը միտված չեն, թիրախային ծրագրեր չկան»,-ասաց պատգամավորը:

Հակոբ Արշակյանը արտահերթ ելույթով պատասխանեց ընդդիմադիր պատգամավորի՝ պետական ներդրումների արդյունավետության, կապիտալ ներդրումների թերակատարման մասին ելույթին:

«Ես ուզում եմ մի քանի թիվ ներկայացնել, որ մեր հայրենակիցների մոտ այդ ելույթների հետևանքով  հանկարծ թյուրընկալումներ չառաջանան: Միայն  2018-2019 թթ այնքան ճանապարհ է կառուցվել, որքան դրանից առաջվա 7-8, 10 տարիներ ընթացքում: Միայն ճանապարհաշինության ոլորտում մեկ միավոր ճանապարհ սարքելու ինքնարժեքն ընդամենը մեկ տարում ընկել է  30 տոկոսով, և դա տեղի է ունեցել միայն այն պատճառով, որ արդար մրցույթներ են տեղի ունեցել»,-ասաց ԱԺ փոխնախագահը:

Արշակյանը հիշեցրեց, որ կառավարությունը նախորդ 2 տարիների ընթացքում գիտության բյուջեն ավելացրել է ավելի քան 2 անգամ, մտադրվել է 500-ից ավելի դպրոցներ կառուցել: «Եվ այո, կարող են լինել թերացումներ, մի փոքր թերակատարումներ, որովհետև մի բան է, երբ կառուցում ես 10 միավոր կապիտալ և մի բան է, երբ կառուցում ես 1 միավոր կապիտալ:  10 միավորի մեջ կարող է 1-2-ը թերակատարվել, իհարկե: Երբ մենք հայտարարում ենք, որ 2-3 անգամ, 10 անգամ ավելի շատ ճանապարհ ենք կառուցելու, պարզ է չէ՞, որ այդ ոլորտում այդքան կապիտալ ներդրումները պետք է բերեն նաև մասնավոր հատվածի զարգացմանը, նոր տեխնիկայի ներգրավմանը, նոր տեխնոլոգիաների ներդրմանը: Սա է ամբողջ պատկերը, և ես ուզում եմ, որ մեր ժողովուրդն իմանա, որ մենք ահռելի մեծ պլաններ ունենք, և այո, այդ պլանների մի մասը կարող են թերակատարվել, և դա նորմալ է»,-եզրափակեց նա:

Այս թեմայով Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան ՀՀ ցանկացած սմ հող կարող է հանձնվել բացառապես հանրաքվեով. Ռուբեն Մելիքյան (տեսանյութ) Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Հայաստանում համատարած է անհիմն կալանքների խնդիրը. կալանավորների մեծ մասը դատապարտյալ չէ. ՄԻՊ Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Ինձ համար Հայաստանի սահմանն այնտեղ է, որտեղ կարող է կանգնել հայ զինվորը. Բագրատ Սրբազան (տեսանյութ) Մենք ունենք գիտության ոլորտի ֆինանսավորման ծավալային ահռելի աճ. ԱԺ փոխնախագահ Հնարավորության դռները հավերժ չեն կարող բաց մնալ. Էրդողանը սպառնացել է Հայաստանին