Ռուսաստանն Իրանին մատակարարում է իր նորագույն զինատեսակները՝ անօդաչու թռչող սարքերի դիմաց․ NBC

Ռուսաստանն այժմ «աննախադեպ մակարդակի» ռազմատեխնիկական աջակցություն է ցուցաբերում Իրանին՝ Թեհրանին Ուկրաինայում պատերազմի համար զենք մատակարարելու դիմաց: Այս գրում է NBC-ն՝ ԱՄՆ նախագահ Ջո Բայդենի աշխատակազմի պաշտոնյաների տվյալներին հղումով։

Որպես ընդլայնված գործընկերության մաս՝ Ռուսաստանը, ամենայն հավանականությամբ, Իրանին կմատակարարի առաջադեմ ռազմական տեխնիկա և բաղադրիչներ, այդ թվում՝ ուղղաթիռներ և հակաօդային պաշտպանության համակարգեր: Գարնանը իրանցի օդաչուները Ռուսաստանում վերապատրաստվել են ռուսական Սու-35 կործանիչ վարելու համար, ինչը, ըստ պաշտոնյաների, վկայում է այն մասին, որ Իրանը «հաջորդ տարվա ընթացքում կարող է սկսել ինքնաթիռներ ստանալ»։

Սպիտակ տունն ավելի վաղ հայտարարել էր, որ կարծում է, որ Իրանը անօդաչու սարքեր է մատակարարել Ռուսաստանին՝ Ուկրաինայում օգտագործելու համար: Սակայն պաշտոնյաներն ասում են, որ Իրանի և Ռուսաստանի միջև հարաբերությունները վերածվում են «լիարժեք պաշտպանական գործընկերության»։

«Այս գործընկերությունը վտանգ է ներկայացնում ոչ միայն Ուկրաինայի, այլեւ տարածաշրջանում Իրանի հարեւանների համար։ Մենք այս տեղեկատվությամբ կիսվել ենք Մերձավոր Արևելքի և ամբողջ աշխարհի գործընկերների հետ»,- ասել է վարչակազմի բարձրաստիճան պաշտոնյաներից մեկը։

Այս թեմայով Ձերբակալվել է ՌԴ պաշտպանության փոխնախարարը Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Արգելվել է ռուսական ընկերության որոշ արտադրատեսակների ներմուծումը Հայաստան Հայաստանից դրամական փոխանցումները դեպի Ռուսաստան նվազել են, դեպի ԱՄՆ՝ ավելացել Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Վաշինգտոնն ու Բրյուսելը ցանկանում են տապալել Վրաստանի ներկայիս իշխանությանը․ Վոլոդին