Ադրբեջանը վատ օրինակ է վերցրել՝ Արցախի ճանապարհը փակելու նպատակով «բնապահպան ակտիվիստներ» ուղարկելով. Թինա Կանդելակի

Չարը միշտ թաքնվում է ոչխարի դիմակի տակ։ Վերջին տարիներին այդ դիմակներից են կրում բազմաթիվ կազմակերպություններ, մարդիկ և հիմնադրամներ, որոնք իրենց անվանում են բնապահպաններ և մարդու իրավունքների համար պայքարողներ: Նրանք հարձակվում են մարդկանց, քաղաքների և պետությունների վրա՝ դրա համար հորինելով ամենատարբեր պատճառներ։ Այս մասին տելեգրամի իր ալիքում գրել է հայտնի հեռուստահաղորդավարուհի Թինա Կանդելակին՝ անդրադառնալով Ադրբեջանի կողմից՝ Արցախը Հայաստանին կապող միակ ճանապարհի փակմանը։

«Մի քանի տարի առաջ, մի կերպ խոսող աղջնակը՝ Գրետա Թունբերգը բառացիորեն ծնկի բերեց ՄԱԿ-ի ղեկավարությանն ու եվրոպական երկրների ղեկավարներին՝ պահանջելով դադարեցնել աղտոտել աշխարհը: Այն բանից հետո, երբ պարզվեց, որ նրա ելույթները գրվում են երրորդ անձանց կողմից, աղջիկը ջարդոնի պես դուրս շպրտվեց: Տիկնիկի ժամկետն անցավ, նրան դուրս շպրտեցին, նորերին բերեցին:

Վերջին կես տարվա ընթացքում աշխարհի տարբեր քաղաքներն ու դրանց թանգարանները հարձակման ենթարկվեցին Գրետա տիկնիկի հաջորդների`«stopoil» շարժման նոր «բնապահպան ակտիվիստների» կողմից: Ոճը նույնն է, փողը՝ նավթի արքաները։ Օրերս Ադրբեջանը վատ օրինակ է վերցրել՝ Արցախի ճանապարհը փակելու նպատակով «բնապահպան ակտիվիստներ» ուղարկելով։

Ադրբեջանցին ո՞ւր, բնապահպանությունն ո՞ւր: Ադրբեջանցիները շատ լավ գիտեն երկրի ողջ տարածքում աղբավայրերի, Կասպից ծովի աղտոտվածության մասին, և այն մասին, որ արտաքին ճակատի ետևում Բաքուն, մեղմ ասած, ամենամաքուր տարածքը չէ, որտեղից փչում են թունավոր քամիներ: 

Ի՞նչ կապ ունի Արցախը՝ կանաչ տարածքների և ամենամքուր ջրերի երկիրը: Երևի յուրաքանչյուրը պետք է զբաղվի իր գործով և իր խնդիրները չփորձի թաքցնել հարևանների վրա հարձակումներ իրականացնելու վրա:

Ամեն դեպքում, յուրաքանչյուր «բնապահպան ակտիվիստի» հարձակման հետևում կան իրական զոհեր, կորուստներ, սկանդալներ։ Արցախի դեպքում զոհերն ամենասովորական մարդիկ են, հանրապետության բնակիչներ, որոնք հաստատ կապ չունեն բնապահպանության հետ։ Նրանց հարազատները, ովքեր մահանում են Արցախի հիվանդանոցներում, քանի դեռ ճանապարհը փակ է, երեխաներն ու ազգականները, որոնք չեն կարողանում տեղաշարժվել, դպրոցականները, մատակարարներն ու վաճառականները, ամենասովորական տատիկներն ու պապիկները, որոնք Սուրբ Ծննդին իրենց հարազատներին չեն տեսնի:

Իմ կարծիքով՝ չկա ավելի վատ իրավիճակ, երբ սուտն ու ատելությունը քողարկվում են բարի մտադրությունների անվան տակ: Վերջինը, ինչպես հայտնի է, ճանապարհ է հարթում մեկ ուղղությամբ՝ դժոխք»,-գրել է նա:

Այս թեմայով «Սիրելի հայեր, ամեն ինչ ձեզ համար է»․ Սերգեյ Լազարևը կատարել է «Ճերմակ գիշեր» երգի հայերեն տարբերակը (տեսանյութ) Թինա Կանդելակիին թույլ չեն տա մուտք գործել Ղազախստան 83 տարեկանում մահացել է երգչուհի Թինա Թըրները «Հայերի կյանքն արժեք ունի». Թինա Կարոլը չեղարկել է Բաքվում կայանալիք իր համերգը Կանդելակին Բասկովին «հայրենական Թրամփ» է անվանել Կանդելակին կիսվել է Մոնակոյից և Սեն-Տրոպեից ստացած իր տպավորություններով Կանդելակին ընդգրկվել է ԱՄՆ-ի պատժամիջոցների ցուցակում Գեղասահորդ Թինա Կարապետյանն ավարտում է կարիերան Դու որդերի կեր կլինես. Թինա Կարոլը սպառնալիքներով դիմել է Գրիգորի Լեպսին Միքայել Միքայելյանը և Թինա Կարապետյանը Պեկինի ՕԽ բացման արարողության Հայաստանի դրոշակակիրներն են