Կոչ ենք անում Վրաստանին համարձակվել դատապարտել ստոր քայլը 120.000 անմեղ բնակչության դեմ․ Վրաստանի հայ համայնք

Վրաստանի հայ համայանքը հայտարարություն է տարածել՝ կապված Լաչինի միջանցքի փակման հետ։

Հայտարարության մեջ ասվում է. «Երբ աշխարհը ամանորյա նախապատրաստական խառնաշփոթի մեջ է, այդ ժամանակ շուրջ 120000 անմեղ ժողովուրդ 5 օր է ինչ գտնվում է շրջափակման մեջ Ադրբեջանի կողմից, քանի որ միակ Արցախի ժողովրդին Հայաստանի հետ կապող ճանապարհը` Բերձորի (Լաչինի) միջանցքը, այսպես կոչված բնապահպանները փակել են։ Բացի այդ, շատ մարդիկ մնացել են Արցախի սահմանին և չեն կարող վերադառնալ իրենց տները։ Պարզ է, որ առանց Ալիևի թույլտվության նույնիսկ թռչուն չի թռչում Ադրբեջանում։ Հասկանալի է բոլորիս համար, որ բնապահպան կոչվածները կատարում են Ալիևի հրամանը, որին թևավորում է Թուրքիան։

ՈՒզում ենք նշել, որ նրանց լոզունգները, պահվածքը, ժեստիկուլացիան, բացահայտ ցուցադրում են «Գորշ Գայլեր» խմբավորման առկայությունը այնտեղ, որը որպես ահաբեկչական կազմակերպություն ճանաչված է մի շարք առաջատար երկրներում։ Ադրբեջանը այդ ստոր միջոցով փորձում է ճնշում գործադրել Արցախի բնակչության վրա և արցախահայությունը ենթարկվում է հոգեբանական տեռորի։ Դա չի հաջողվել նրանց մոտ 30 տարի առաջ և վստահ ենք չի հաջողվելու այսօր, քանի որ արցախահայությունը անցել է ավելի դժվար օրերի միջով և չի կոտրվել։ Ցավոք պետք է նշել, որ Ալիևի ռեժիմը շարունակում է մնալ անպատիժ։

Հավատում ենք, որ նավթի առկայությունը չի կարող գերակշռել մարդկանց իրենց հողում խաղաղ ապրելու իրավունքը։

Տասնյակ տարիներ շարունակ Ալիևների բռնապետական ռեժիմը հաջողությամբ դաստիարակել է սերունդներ`ատելությամբ լցված հայերի նկատմամբ, ինչի վառ օրինակն է ահաբեկիչ` Ռամիլ Սաֆարովին հերոսացնելը, նաև 2020թ. 44 օրյա պատերազմի ժամանակ, և հետո ադրբեջանցիների ոչ մարդկային պահվածքը գերիների նկատմամբ։ Ալիևի սպառնալիքն անհերքելի փաստ է, որ Արցախը չի կարող լինել Ադրբեջանի կազմում, հակառակ դեպքում կկրկնվի ցեղասպանություն։

Կոչ ենք անում Վրաստանի կառավարությանը, օգտվելով Ադրբեջանի վարչապետի պաշտոնական այցից, համարձակություն ունենալ, ռեալ գնահատել իրականությունը և դատապարտել ստոր և անմարդկային քայլը 120.000 անմեղ բնակչության դեմ։

Դիմում ենք նաեւ ՄԱԿ-ի Անվտանգության խորհրդի մշտական անդամ հինգ պետություններին, ձեռնարկել քայլեր առաջքն առնելու հայերի նոր ցեղասպանության»։

Այս թեմայով ԼՂ-ից տեղահանված հայ բնակչության ներկայացուցիչներն Ալիևից պահանջել են ապահովել իրենց վերադարձը Արցախ ՌԴ խաղաղապահներն իրենց կարողությունների մինիմումն են անում Արցախում, դա են վկայում արցախցիները Շիրակի մարզում բախվել են ՌԴ քաղաքացու Toyota Prado-ն ու Վրաստանի քաղաքացու բեռնատարը․ կան վիրավորներ Եվրոպական խորհրդարանը նոր զեկույցով դատապարտել է Հայաստանի դեմ Ադրբեջանի ագրեսիան «Եթե իշխանությունը հանձնում էր Արցախը, ի՞նչ էիք դուք անում Երևանի կենտրոնում, բա գնայիք առաջնագիծ» (տեսանյութ) Արայիկ Հարությունյանը Վրաստանի դեսպանի հետ քննարկել է երկկողմ համագործակցության հարցեր «Ապագա հայկականը», քննարկում ՝ «բնակչության աճ» թեմայով Ի՞նչ եք կարծում, Լևոն Տեր-Պետրոսյանը չէ՞ր հասկանում՝ ինչ է անում, երբ անդամակցում էր ՀԱՊԿ-ին Բաքուն միջազգային հանրությանը խաբելու հերթական փորձն է անում, կտրամադրենք անհերքելի ապացույցներ Կոչ եմ անում ձևավորել կամավորական խմբեր․ Արցախի պետնախարարը՝ ուսանողությանը և ՀԿ-ներին