Բադասյանն առաջարկում է կանոնակարգել էլեկտրոնային առևտրի հարաբերությունները ԵԱՏՄ շրջանակում

Հարկային վարչարարության իրականացման ընթացքում կուտակված բազմաթիվ հարցեր լուծելու նպատակով Կառավարությունը փոփոխություններ է առաջարկում ՀՀ հարկային օրենսգրքում եւ կից ներկայացված օրենքների նախագծերում: Այս մասին դեկտեմբերի 16-ին գումարված ԱԺ արտահերթ նստաշրջանում ասել է ՀՀ պետական եկամուտների կոմիտեի նախագահ Ռուստամ Բադասյանը:

«Այսօր էլեկտրոնային հարթակի միջոցով առեւտրի մասով ավելացված արժեքի հարկ ՀՀ տարածքում չի գոյանում»,- ընդգծել է զեկուցողը եւ հավելել. «Պատճառն այն է, որ էլեկտրոնային հարթակի ոչ ռեզիդենտ սեփականատերը հանդես է գալիս որպես փոխադրող, չի ներմուծում ապրանքը ՀՀ տարածք եւ էլեկտրոնային առեւտրի առանձնահատկություններով պայմանավորված` ավելացված արժեքի հարկ մեր երկրի տարածքում չի գոյանում»: Ռուստամ Բադասյանի խոսքով միջազգային փորձի ուսումնասիրությունը ցույց է տալիս, որ երկրները որդեգրում են սպառման երկրի կանոնը:

Փոփոխություններով սահմանվում է, որ եթե ԵԱՏՄ տարածքում էլեկտրոնային հարթակներից առեւտուր իրականացնելիս ապրանքը ձեռք է բերում ՀՀ ռեզիդենտ ֆիզիկական անձը, ապա ՀՀ տարածքում պետք է գոյանա ավելացված արժեքի հարկը:

Նշվել է, որ ԵԱՏՄ անդամ երկրներից նման կարգավորումներ ունեն Ղազախստանն ու Բելառուսը:

Անդրադառնալով ավտոմեքենաների օտարման գործարքում նախագծով առաջարկվող փոփոխություններին` զեկուցողը տեղեկացրել է, որ ֆիզիկական անձանց միջեւ ավտոմեքենաների օտարման գործարքների դեպքում եկամտային հարկի փոխարեն կսահմանվի պետական տուրք, եւ դրա գանձումը կվերապահվի ՀՀ ոստիկանությանը:

Ռուստամ Բադասյանն ընդգծել է, որ հարկային բեռի որեւէ փոփոխություն տեղի չի ունենում. վճարվող պետական տուրքը հաշվարկվելու է ավտոմեքենայի շարժիչի յուրաքանչյուր ձիաուժ հզորության համար 150 դրամ:

Սահմանվել է նաեւ «անալիտիկ հաշվառման» հասկացությունը:

Հաջորդ փոփոխությունը միտված է ընդհանուր հարկման դաշտում գործող հարկ վճարողների համար հավասարության ապահովմանը: Հարկման ընդհանուր համակարգում գործող անհատ ձեռնարկատերերի համար շահութահարկի դրույքաչափն առաջարկվել է սահմանել 23 տոկոս:

Պատասխանելով պատգամավոր Սիսակ Գաբրիելյանի հարցին` Ռուստամ Բադասյանը պարզաբանել է, որ նախաձեռնությամբ էլեկտրոնային հարթակի միջոցով ապրանք պատվիրող անձի համար որեւէ բեռ չի սահմանվում. ավելացված արժեքի հարկ վճարելու պարտականություն ունենալու է էլեկտրոնային հարթակը: Օրինակ` եթե ՀՀ քաղաքացին գնում է կատարում ՌԴ-ում գործող էլեկտրոնային հարթակից, ապա վերջինս այսուհետ պարտավոր է լինելու ավելացված արժեքի հարկ հաշվարկել եւ վճարել ՀՀ-ում, ինչը հավելյալ եկամուտներ կապահովի բյուջեում:

Գլխադասային` Տնտեսական հարցերի մշտական հանձնաժողովի դրական եզրակցությունը ներկայացրել է հանձնաժողովի անդամ Ծովինար Վարդանյանը: Նա կարեւորել է առաջարկվող բովանդակային փոփոխությունները:

Նախաձեռնությունն ընդունվել է առաջին ընթերցմամբ:

Այս թեմայով Կադաստրի կոմիտեն էլեկտրոնային եղանակով փաստաթղթերը կստանա․ «թվային բարեփոխում» ենք իրականացնում Քերոբյանը և Բելառուսի փոխվարչապետն առանձնացրել են ոլորտներ, որոնց շրջանակում պետք է համագործակցեն «Հրապարակ». Վարչապետի աշխատակազմը հորդորել է պետական հաստատություններին հրաժարվել mail.ru էլեկտրոնային փոստերից Մհեր Գրիգորյանը Բելառուսի փոխվարչապետի հետ քննարկել է ԵԱՏՄ շրջանակում համագործակցության հարցերը ՀՀ-ՌԴ հարաբերությունները լարվա՞ծ են. ինչու՞ է ՀԱՊԿ գլխավոր քարտուղարը եկել ՀՀ. մեկնաբանություն (տեսանյութ) ՆԳՆ-ն էլեկտրոնային հսկողության միջոցներ կգնի՝ ընտանեկան զոհերի պաշտպանության համար․ 2-րդ ընթերցում ՀՀ կառավարությունն առաջարկում է պետական գույքերն օտարել դասական աճուրդով ԵԱՏՄ-ում ապրիլի 1-ից ապրանքների անմաքս ներմուծման շեմը 1000 եվրոյից կարող է դառնալ 200 եվրո ԵԱՏՄ-ում ավելի շատ ենք սկսել մաքսատուրք վճարել, ինչո՞ւ. ՔՊ-ականը՝ ֆինանսների նախարարին Ի՞նչ է տալիս ԵԱՏՄ անդամ լինելը ՀՀ-ին, այլընտրանք ունե՞նք. Քերոբյանը չուզեց «բարձր» խոսել