Ադրբեջանը ճանապարհը փակ է պահելու այնքան, որքան կարողանա. Գեղամ Ստեփանյան

Արցախի ժողովուրդը 14 օր շրջափակման մեջ լինելով՝ չի փոխել և չի փոխելու իր դիրքորոշումը. իր որոշումը վերջնական է, որ որևէ կարգավիճակով Ադրբեջանի կազմում Արցախը երբեք չի լինելու։ Այս մասին այսօր՝ դեկտեմբերի 26-ին, Ազնավուրի հրապարակում լրագրողների հետ զրույցում ասաց ԱՀ ՄԻՊ Գեղամ Ստեփանյանը՝ անդրադառնալով Ստեփանակերտում տեղի ունեցած հանրահավաքին։

«Սա ամենակարևոր ուղերձն էր, որ հղվել է միջազգային հանրությանը։ Ի ուրախություն մեզ՝ պետք է նշեմ, որ միջազգային մեդիաներ ինչ-որ չափով անդրադարձել են այս հարցին։ Կարծում եմ՝ տարբեր երկրներում որոշում կայացնողներին ի գիտություն է գնացել այդ ուղերձները, որոնք հղվել են Ստեփանակերտից։ Ուժեղ ուղերձ էր, որ որևէ ձևով մեզ վրա ճնշում գործադրելով մեր կամքը չեք ընկճի, մեր որոշումը չեք փոխի, ցանկացած պարագայում Արցախում ապրողը հայը պնդելու է, որ Ադրբեջանի կազմում ինքը չի լինելու»,- ընդգծեց ԱՀ ՄԻՊ-ը։

Ստեփանյանի խոսքով՝ Ադրբեջանը ճանապարհը փակ է պահելու այնքան, որքան կարողանա. «Այսինքն՝ այդ ճնշումը մշտապես գործադրելու է արցախցիների նկատմամբ։ Ես չեմ բացառում, որ թեկուզ վաղը բացելու պարագայում 10 օր հետո նորից չի փակելու Ադրբեջանը, որովհետև հանցավոր որևէ արարք Ադրբեջանի կողմից ես չեմ բացառում»։

Գեղամ Ստեփանյանի կարծիքով՝ միջազգային հանրությունը պետք է Ադրբեջանի նկատմամբ պատժիչ միջոցներ կիրառի. «Այլապես մենք տեսնում ենք, որ Ադրբեջանն անպատժելիության մթնոլորտում է աշխատում»։

Հիշեցնենք, որ արդեն երկու շաբաթ է Արցախը կտրված է աշխարհից ու Հայաստանից։ Մոտ 120 հազար արցախցի մնացել է շրջափակման մեջ։ Ավելի քան 1100 մարդ, որից 270-ը անչափահաս, չի կարողանում վերադառնալ սեփական տները։ Ճանապարհի՝ փակ լինելու պատճառով Արցախում հումանիտար ճգնաժամի ռիսկն օրեցօր մեծանում է։ Ամեն օր Հայաստանից 400 տոննա սննդամթերք ու դեղորայք հնարավոր չի լինում հասցնել Արցախ։

Այս թեմայով Դատախազի տեղակալը չի կարող ՄԻՊ լինել, նա լավագույն դեպքում մարդու իրավունքների դատախազ կարող է լինել. Գեղամ Նազարյան Արշակյանն անջատել տվեց Գեղամ Մանուկյանի խոսափողը․ «Խոսքը թեմայի հետ կապ չուներ» Խաղաղության համար պետք է ուղեղով աշխատել, չսողա՛լ․ Գեղամ Մանուկյան Ո՞վ գնեց Հովիկ Աբրահամյանի տունը, էդ ո՞նց կալանքից հանվեց, նորից գնվեց․ հարցեր կան․ Գեղամ Նազարյան ՄՊՀ նախագահ Գեղամ Գևորգյանի ուշագրավ գնումները մեկ անձից. ինչի վրա են ծախսվում բյուջեի գումարները Սիրե՛ք իրար․ Քոչարյանը՝ Արփի Դավոյանին ու Գեղամ Մանուկյանին Պարեկներին շուտ հանե՛ք ու լարե՛ք ռազմական ինստիտուտից․ Գեղամ Մանուկյանը՝ ՊՆ նախարարին Այսօր Արցախում ապրող մարդու առօրյան պայքար է. Գեղամ Ստեփանյանը՝ բրազիլիական Estadão լրատվականին «Կգիտակցի հասարակությունը, թե որքան մեղավոր է տղերքի առաջ, թե՞ ոչ»․ Գեղամ Նազարյան Ի՞նչն է խանգարում տարածաշրջանում գտնվող ամերիկացի և ֆրանսիացի համանախագահներին այցելել Արցախ. ԱՀ ՄԻՊ