«Հրապարակ». Վիտալի Բալասանյանը հրաժեշտ կտա՞ պաշտոնին

«Հրապարակ» թերթը գրում է.

«Կիրակի օրն Արցախում կայացած հանրահավաքը հերքեց ադրբեջանական քարոզչության կեղծ պնդումը, թե Արցախում մի քանի հազար մարդ է մնացել։ Նախորդ հանրահավաքներին ադրբեջանցիներն ասում էին, թե մարդկանց ավտոբուսներով Հայաստանից են բերում, հիմա միջանցքը փակ է, մարդ բերել հնարավոր չէ, սրան գումարած՝ վառելիքի ճգնաժամը, որի պայմաններում, սակայն, Արցախի Վերածննդի հրապարակում եւ հարակից տարածքում, ըստ պաշտոնական տվյալների, մոտ 70 հազար մարդ էր հավաքվել։

Ըստ արցախցիների՝ մյուս կարեւոր ուղերձը պետնախարար Ռուբեն Վարդանյանի խոստումն էր, որ ոչ մի զիջում չի լինելու Ադրբեջանին։ Իսկ այն, որ ԱՀ նախագահ Արայիկ Հարությունյանը ելույթ չունեցավ, խոսում է այն մասին, որ Արցախում սահուն իշխանափոխություն է սկսվել, ու Փաշինյանին մերժել չկարողացող Հարությունյանի փոխարեն իշխանության է գալիս մերժելու ունակ Վարդանյանը։

Ի դեպ, մեր աղբյուրներն ասում են, որ բոլոր նրանք, ովքեր արցախցիների եւ Արցախի հաշվին պատրաստ են զիջումների, տեղ չեն ունենալու նոր ձեւավորվող կաբինետում։ Տեղեկացանք նաեւ, որ բավականին լարված են Ռուբեն Վարդանյանի եւ Անվտանգության խորհրդի քարտուղար Վիտալի Բալասանյանի հարաբերությունները։ Եթե նախկինում Վիտոն ռուսների ու ադրբեջանցիների հետ թիվ մեկ բանակցողն էր, հիմա նրան հետին պլան են մղել, եւ նա նախօրեի հանրահավաքին անգամ չի մասնակցել։

Մեր աղբյուրն ասում էր, որ Վարդանյանը պահանջել է՝ կա՛մ ես, կա՛մ՝ Բալասանյանը։ Եվ չի բացառվում, որ Վիտոն հրաժեշտ տա պաշտոնին։ Շրջանառվում է անգամ նրան փոխարինողի անունը՝ ՊԲ նախկին հրամանատար Լեւոն Մնացականյան՝ Ռիժի Լյովը։ Եվ մի մանրամասն էլ․ Արցախի նախկին նախագահ Բակո Սահակյանն ակտիվորեն մասնակցում է իշխանական վերադասավորումներին եւ աջակցում է Ռուբեն Վարդանյանին»:

Այս թեմայով «Հրապարակ». Իշխանության յուրայիններից ո՞ւմ կընտրի ՄԻԵԴ-ը «Հրապարակ». Ինչո՞ւ ուղղաթիռով «Հրապարակ». Ինչպե՞ս են այս տարի նշելու քաղաքացու օրը «Հրապարակ». ՊԵԿ նախկին փոխնախագահը հրավիրվել է դատախազություն «Հրապարակ». Մասնակցե՞լ, թե՞ չմասնակցել «պառադին» «Հրապարակ». Խաղաղապահները հեռանում են, բայց ոչ բոլորը «Հրապարակ». Օսկանյանին սպասելիս «Հրապարակ». Քաղաքապետարանում բյուջեի հաշվին անգլերեն կսովորեն «Հրապարակ». Ե՞րբ Հայաստան կայցելի Քըլըչը «Հրապարակ». ՔՊ-ականները հիշել են Սյունիքի տեղը