Հայաստանում կրթական ոլորտի առաջատար կազմակերպությունները բաց նամակով դիմել են ԵՄ հայաստանյան գրասենյակին, ՄԱԿ-ին

Հայաստանում կրթական ոլորտի առաջատար կազմակերպությունները բաց նամակով դիմել են Եվրոպական միության հայաստանյան գրասենյակին, Միացյալ ազգերի կազմակերպությանը (ՄԱԿ) և վերջինիս Անվտանգության խորհրդի մշտական անդամ պետությունների դեսպանատներին՝ կապված Գորիս-Ստեփանակերտ ճանապարհի շրջափակման եւ ահագնացած հումանիտար ճգնաժամի հետ։

Ինչպես նշվում է նամակում. «Ադրբեջանական կողմն այս եւ պարբերաբար իրականացվող գործողություններով կոպտորեն խախտում է իր իսկ կողմից վավերացված ՄԱԿ-ի Մարդու իրավունքների համընդհանուր հռչակագիրը, որով սահմանվում է յուրաքանչյուր անհատի կրթություն ստանալու իրավունքը։ Փաստացի, պարբերաբար խաթարվել է 30.000 երեխայի կրթության իրավունքը, որը երաշխավորված է նաեւ ՄԱԿ-ի Երեխայի իրավունքների մասին կոնվենցիայով։ Արցախն արտաքին աշխարհի հետ կապող միակ ճանապարհի արգելափակման արդյունքում մի շարք հայաստանյան եւ միջազգային կրթական կազմակերպություններ չեն կարողանում պատշաճ ձեւով կատարել իրենց աշխատանքները։ Վերջիններիս բազմաթիվ աշխատակիցներ կա՛մ չեն կարողանում վերադառնալ իրենց համայնքներ, կա՛մ գտնվում են շրջափակման մեջ՝ հենց Արցախում»։

Բաց նամակը ստորագրվել է «Դասավանդի՛ր, Հայաստան» կրթական հիմնադրամի, Թումո ստեղծարար տեխնոլոգիաների կենտրոնի, «Այբ» կրթական հիմնադրամի, «Հայաստանի մանուկներ» բարեգործական հիմնադրամի, Հայկական բարեգործական ընդհանուր միության, Առաջատար տեխնոլոգիաների ձեռնարկությունների միության, Շիրակացու ճեմարանի,, «ԿԱԶԱ» շվեյցարական մարդասիրական հիմնադրամի, «ռեԱրմենիա» հիմնադրամի, Հայ կրթական հիմնարկության, «Մեկ ձայն» անկախ դպրոցների հայկական ասոցիացիայի, «Ես» կրթական հիմնադրամի, Ամերիկայի հայ ավետարանչական ընկերակցության եւ «Հայաստանի տեխնոլոգիական ապագա» նախաձեռնություն կողմից։

Նամակի հեղինակները կոչ են անում միջազգային կառույցներին ու օտարերկրյա դիվանագիտական առաքելություններին իրենց մանդատի շրջանակներում վերականգնել Արցախի երեխաների կրթության իրավունքը, ապահովել անվտանգ կրթական միջավայր եւ կանխել խտրական վերաբերմունքը։ Ստեղծված իրավիճակում անհրաժեշտ է հրատապ կերպով վերականգնել Արցախը Հայաստանին կապող ցամաքային միակ ճանապարհով անվտանգ հաղորդակցությունը եւ որպես լրացուցիչ միջոց՝ ապահովել օդային հաղորդակցություն այն դեպքերի համար, երբ այդ ճանապարհի օգտագործումն անհրաժեշտ է հրատապ մարդասիրական նպատակներով:

Կազմակերպությունները պահանջում են անհապաղ հանդիպում կազմակերպել ՄԱԿ-ի համապատասխան ներկայացուցիչների հետ՝ ակնկալվող գործողությունների քննարկման նպատակով։

Կազմակերպությունները նմանաբովանդակ նամակներ են պատրասվում ուղարկել նաեւ այլ միջազգային կառույցներ։

Նամակի բովանադակության հետ կարող եք ծանոթանալ այստեղ։

Այս թեմայով Հայաստանում մարդկանց են խոշտանգում, տարածքներ հանձնում ձեզ չի՞ մտահոգում․ լրագրողը՝ գլխավոր դատախազին Հայաստանում համատարած է անհիմն կալանքների խնդիրը. կալանավորների մեծ մասը դատապարտյալ չէ. ՄԻՊ Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Այսօր մենք պետք է անենք ավելին, քան պարզապես անցյալի կոտորածները սգալն է․ Նուբար Աֆեյանը դիմել է համաշխարհային հանրությանը Մենք ունենք գիտության ոլորտի ֆինանսավորման ծավալային ահռելի աճ. ԱԺ փոխնախագահ Գործ ունենք ոչ թե սահմանազատման, այլ միակողմանի զիջումների հետ. դեմ ենք դրան. «Բարձունք» կրթական շարժում Լիլիթ Մակունցը հանդիպել է Ռամսֆելդի կրթական ծրագրի մասնակիցների հետ Հայաստանում կարմրուկի լաբորատոր հաստատված դեպքերի թիվը հասել է 342-ի Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) Հայաստանում օդի ջերմաստիճանը կբարձրանա 4-5 աստիճանով