Բայրամովն անվանել է խաղաղության պայմանագրի ստորագրմանն իբր խոչընդոտող դրույթները

Ադրբեջանի ԱԳ նախարար Ջեյհուն Բայրամովը «հակասական» կետեր է անվանել, որոնք իբրև թե խոչընդոտում են Ադրբեջանի և Հայաստանի միջև խաղաղության պայմանագրի ստորագրմանը, հաղորդում է ԱՊԱ-ն։

«Առաջին. Ադրբեջանը ներկայացրել է 5 հիմնարար սկզբունքներ։ Կարճ ժամանակում Հայաստանը հասկացավ, որ 5 հիմնարար սկզբունքների մեջ չկա մեկ սկզբունք, որն անընդունելի լինի իրենց համար։ Դա պայմանավորված էր որոշակի պատճառով։ Այս սկզբունքներին ի պատասխան «ոչ» ասելը շատ դժվար է։ Հինգ հիմնական սկզբունքները շատ արդար էին։ Հանդիպումները կայացել են այս 5 սկզբունքներով։ Չնայած այն հանգամանքին, որ այս հանդիպումների արդյունքում՝ նոր փաստաթղթեր չընդունվեցին, ձեռք բերվեցին պայմանավորվածություններ, որոնցում 5 հիմնական սկզբունքները հետագայում մշակվեցին։ Հայաստանը դրանք ընդունելի համարեց։ Այս մասին հայկական կողմը տեղեկացրել է հայ հասարակությանը։ Նայելով հայկական կողմից բանակցային գործընթացի որոշ մեկնաբանություններին՝ մենք տեսնում ենք շեղում նախկինում ձեռք բերված պայմանավորվածություններից։ Մենք կարծում ենք, որ դա շատ վնասակար միտում է»,- հայտարարել է Բայրամովը։

«Երկրորդ. Վաշինգտոնում հանդիպումից հետո մենք նկատեցինք պահեր, որոնք մեզ համար անընդունելի էին։ Ադրբեջանական կողմի տրամաբանությունն այն էր, որ վերջին 30 տարիների ընթացքում Ադրբեջանի և Հայաստանի միջև հարաբերություններ չեն եղել։ Ուստի, եթե մենք ուզում ենք որևէ առաջին քայլ անել, ապա փաստաթղթի հիմնական սկզբունքները, էությունն ու փիլիսոփայությունը պետք է շատ պարզ լինեն։ Թերևս, եթե նույնիսկ որոշ հարցեր 100%-ով չլուծվեն, այնուամենայնիվ, կարելի է ինչ-որ դրական և կարևոր քայլ անել։ Ուստի ադրբեջանական կողմի ներկայացրած նախագիծը շատ պարզ ու հակիրճ է։

Նպատակը պարզ փաստաթուղթը շրջանակային համաձայնագրի վերածելն է և շրջանակային փաստաթղթի մաս ընդունելը այլ համաձայնագրեր։ Ելնելով դրանից՝ ադրբեջանական կողմը կարող է նաև մի շարք կետեր բարձրացնել։ Մենք բազմաթիվ պահանջներ ունենք հայկական կողմին։ Մեզ նույնպես ամեն ինչ չի գոհացնում, և չենք հրաժարվում Հայաստանին ներկայացվող պահանջներից, մենք այս բոլոր պահանջներն ենք առաջ քաշում։ Մենք փորձել ենք հասնել նրան, ինչին կարող ենք հասնել։ Հայաստանը թույլ է տվել, որ բանակցային գործընթացը դուրս գա հանրային տարածք։ Ի տարբերություն մեզ՝ միջնորդները Հայաստանին բացահայտորեն չեն մեղադրում այս հարցում։ Մենք նշել ենք սրա վտանգները։ Սա տեսնում են նաև միջնորդները»,- հայտարարել է Բայրամովը։

Այս թեմայով Բայրամովը Չավուշօղլուի հետ քննարկել է իրավիճակը տարածաշրջանում «ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների». Բայրամով Բայրամովը և Բոնոն քննարկել են հայ–ադրբեջանական հարաբերությունների կարգավորման գործընթացը Պատմական հնարավորություն կա՝ առաջ մղելու ադրբեջանահայկական խաղաղության օրակարգը. Բայրամով Բաքուն պատրաստակամ է՝ առաջ մղելու Երևանի հետ խաղաղության գործընթացը. Բայրամով Բայրամովը հայտարարել է, թե «որոշ պետությունների կողմից Հայաստանի զինումը վտանգում է խաղաղ գործընթացը» Երևանի և Բաքվի միջև խաղաղության գործընթացի հասնելու համար անձնական հանդիպումները կարևոր են. Բայրամով Ինչ է քննարկվել Միրզոյան-Բայրամով բանակցությունների ընթացքում. ԱԳՆ-ն մանրամասներ է հայտնել Բայրամովը մեկնել է Թուրքիա Բայրամովը մեղադրանքներ է հնչեցրել Հայաստանի հասցեին