Բրազիլիայում եռօրյա սուգ է հայտարարվել

Բրազիլիայի նախագահ Ժաիր Բոլսոնարուն եռօրյա սուգ է հայտարարել Պելեի մահվան կապակցությամբ։ Այս մասին հայտնում է երկրի կառավարության պաշտոնական կայքը։

«Երկրում պաշտոնապես սուգ է հայտարարվել երեք օրով՝ սույն Հրամանագրի հրապարակման օրվանից՝ նախկին ֆուտբոլիստ Էդսոն Արանտես դու Նասիմենտոյի՝ Պելեի մահվան կապակցությամբ»,- ասվում է հայտարարության մեջ։ Սուգը կավարտվի դեկտեմբերի 31-ին։

Պելեն հոսպիտալացվել էր նոյեմբերի վերջին՝ սրտի անբավարարության պատճառով։ ԶԼՄ-ները հայտնում են, որ Բրազիլիայի նախկին հարձակվողը տեղափոխվել է պալիատիվ խնամքի բաժանմունք, քանի որ նրա մարմինն այլևս չէր արձագանքում քիմիաթերապիային՝ աղիների քաղցկեղի դեմ պայքարում։ Սակայն ֆուտբոլիստի դուստրերը՝ Կելին և Ֆլավիան, հերքել են այս լուրերը՝ ասելով, որ իրենց հոր հոսպիտալացման պատճառը կորոնավիրուսն է։

Հիշեցնենք, որ Պելեն աշխարհի չեմպիոն է դարձել 1958, 1962 և 1970 թվականներին։ Նա միակ խաղացողն է, ում հաջողվել է դա անել երեք անգամ։ 1970 թվականի մրցաշարում նա ճանաչվել է լավագույն խաղացող։ Ընդհանուր առմամբ՝ Պելեն Բրազիլիայի հավաքականի կազմում անցկացրել է 92 հանդիպում և դարձել 77 գոլի հեղինակ։

Այս թեմայով Բրազիլիայում կայծակը հարվածել է Հիսուս Քրիստոսի արձանին Բրազիլիայի Մինեյրոս քաղաքը ծածկվել է արտասովոր ամպով (տեսանյութ) Բրազիլիայում ավելի քան երկու հազար մարդ է ձերբակալվել Բրազիլիայի մայրաքաղաքում անկարգություններին մասնակցելու համար ձերբակալվածների թիվը հասել է 1,2 հազարի․ ԶԼՄ Բրազիլիայի նախկին նախագահ Բոլսոնարոն հոսպիտալացվել է Բրազիլիայում նախկին նախագահ Բոլսոնարոյի կողմնակիցները գրավել են Ազգային Կոնգրեսի շենքը, 400 մարդ բերման է ենթարկվել (լուսանկարներ, տեսանյութ) Նեյմարին դատապարտել են Պելեի հրաժեշտի արարողությանը չմասնակցելու համար «Սանթոսի» մարզադաշտում հրաժեշտ են տվել Պելեին (լուսանկարներ) Պելեին հրաժեշտ են տալիս «Սանթոսի» մարզադաշտում (տեսանյութ) Պելեն կհուղարկավորվի աշխարհի ամենաբարձր գերեզմանատանը