Մասկը դարձել է պատմության մեջ առաջին մարդը, ով կորցրել է 200 միլիարդ դոլար

Tesla-ի հիմնադիր և Twitter-ի սեփականատեր Իլոն Մասկը դարձել է պատմության մեջ առաջին մարդը, ով կորցրել է 200 միլիարդ դոլար, գրում է Bloomberg-ը։ Գործարարի կարողությունը այս շաբաթվա սկզբին նվազել է մինչև 137 միլիարդ դոլար՝ Tesla-ի բաժնետոմսերի գնի 11%-ով անկումից հետո։

Մասկի կարողությունը, հիշեցնում է գործակալությունը, 2021 թվականի հունվարին գերազանցել էր 200 միլիարդ դոլարը: Այնուհետև նա դարձել էր աշխարհի ամենահարուստ մարդը՝ առաջ անցնելով Amazon-ի հիմնադիր Ջեֆ Բեզոսից: Նույն թվականին՝ նոյեմբերի սկզբին, գործարարի կարողությունը հասավ առավելագույնը 340 միլիարդ դոլարի: 2022 թվականի դեկտեմբերին ամենահարուստ մարդու տիտղոսը փոխանցվեց Louis Vuitton Moët Hennessy-ի (LVMH) ղեկավար Բեռնար Առնոյին:

Մասկի կարողությունը նվազել է վերջին շաբաթներին այն բանից հետո, երբ էլեկտրոմոբիլներ արտադրողի բաժնետոմսերը ընկան: Երեքշաբթի օրը՝ դեկտեմբերի 27-ին, դրանք նվազել են 11%-ով՝ 2023 թվականի հունվարին Շանհայում գտնվող իր գործարանում արտադրության ժամանակացույցը նվազեցնելու ընկերության պլանների մասին Reuters-ի զեկույցի ֆոնին: Tesla-ի շուկայական կապիտալիզացիան անցած հոկտեմբերին առաջին անգամ անցել է 1 տրիլիոն դոլարի նշագիծը, և այժմ, գրում է Bloomberg-ը, «Տեսլայի գերակայությունը էլեկտրական մեքենաների ոլորտում սպառնալիքի տակ է»։

«Մինչև տարեվերջ այն ԱՄՆ սպառողներին առաջարկում է $7,500 զեղչ իր երկու խոշորագույն մոդելների համար, ինչպես նաև կրճատում է արտադրությունը Շանհայի իր գործարանում»,- նշում է գործակալությունը։:

Այս թեմայով Մասկը հայտարարել է, որ Թրամփի ձերբակալությունը թույլ կտա նրան վերընտրվել 2024 թվականի ընտրություններում Իլոն Մասկը նշել է, որ Բախմուտը «գրեթե շրջապատված է» ռուսական զորքերով Իլոն Մասկը մեղադրել է ԱՄՆ պետքարտուղարի տեղակալ Նուլանդին ուկրաինական հակամարտության սրման մեջ Իլոն Մասկը ծաղրել է ԱՄՆ-ի երկնքում «ՉԹՕ»-ի հայտնվելը Մարդիկ կկարողանան Մարսի վրա վայրէջք կատարել 10 տարվա ընթացքում. Իլոն Մասկ Թուրքիան մերժել է Իլոն Մասկի առաջարկը․ Bloomberg Իլոն Մասկը Ուկրաինային արևմտյան զենքի մատակարարումները «իսկական կոռուպցիա» է անվանել Իլոն Մասկը շարունակում է աշխատանքից հեռացնել Twitter-ի աշխատակիցներին. Business Insider Իլոն Մասկը հայտնվել է Գինեսի ռեկորդների գրքում՝ որպես պատմության մեջ ամենաշատ գումար կորցրած մարդ Նշվել են Իլոն Մասկի 20 ամենաարտասովոր թվիթները