Հունվարի 1-ից բարձրացել են մինչև երկու տարեկան երեխայի խնամքի նպաստի չափերը

Ընթացիկ տարվա հունվարի 1-ից ներդրվել է խնամքի նպաստի նոր համակարգ: Ըստ նոր համակարգի՝ խնամքի նպաստի իրավունք են ձեռք բերում բոլոր մայրերը: Դրանից բացի, բարձրացվում են մինչև երկու տարեկան երեխայի խնամքի նպաստի չափերը:

«Արմենպրես»-ի հետ զրույցում ՀՀ աշխատանքի և սոցիալական հարցերի նախարարության կենսաթոշակային ապահովության և այլ դրամական վճարների վարչության պետ Անահիտ Գալստյանը նշեց, որ նախկինում խնամքի նպաստի իրավունք ունեին բացառապես խնամքի արձակուրդում գտնվող վարձու աշխատող կանայք և գյուղաբնակ մայրերը:

«Նոր փոփոխությունը նշանակում է, որ ներկայում շահառուների շրջանակը բավական ընդլայնվում է: Շահառուներ են դառնում նաև քաղաքաբնակ բոլոր մայրերը, այդ թվում՝ չաշխատող: Խնամքի նպաստ կստանան նաև այն մայրերը, որոնք աշխատում են, սակայն որոշում են չօգտվել խնամքի արձակուրդի իրավունքից և  ցանկանում են վերադառնալ աշխատանքի: Այստեղ կարելի է մայր բառը մի փոքր վերապահումով օգտագործել: Նախորդ տարիների պրակտիկայում ունեինք դեպքեր, երբ հայրերն էին դիմում խնամքի նպաստ ստանալու համար»,-ասաց Անահիտ Գալստյանը:

Փոխվում է նաև խնամքի նպաստի չափը հաշվարկելու սկզբունքը: Վերանայվում են մոտեցումները և տարբերակումը կատարվում է հետևյալ կերպ՝ խնամքի արձակուրդում գտնվող, ինչպես նաև խնամքի արձակուրդում չգտնվող մայրեր:

Նպաստի չափերը հետևյալն են՝

խնամքի արձակուրդում չգտնվող ծնողի համար՝ 31,600 դրամ (գործող՝ 28,600 դրամի փոխարեն),

 խնամքի արձակուրդում գտնվող ծնողի համար՝ 37, 500 դրամ (գործող՝ 28,600 դրամի փոխարեն),

խնամքի արձակուրդում գտնվող գյուղաբնակ ծնողի համար՝ 69,100 դրամ (գործող՝ 57,200 դրամի փոխարեն):

Փոփոխությունները վերաբերում են 2023 թվականի հունվարի 1-ից հետո ծնված երեխաներին:

Այս թեմայով Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը. Գեղամյան Մանկապարտեզում այսուհետ երկարօրյա խումբ կբացվի նույնիսկ մեկ երեխայի համար Ուկրաինան կարող է կապիտուլյացիայի ենթարկվել մինչև տարեվերջ. ԿՀՎ տնօրեն Հլը թև-թև մտեք, հետևս էլ կանգնեք, տեսնեմ՝ ով ա գալու հետս մինչև վերջ, մինչև հաղթանակ. Չախալյան Մինչև վերջին վայրկյանները գաղտնի պահված «փակ» հանդիպում. «Փաստ» Մինչև 2020-ը Ադրբեջանը 27 մլրդ դոլարի զենք է գնել, իսկ Հայաստանը` 6.5-ից 7 մլրդ դոլարի Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Կարեն Դեմիրճյանն այսօր կդառնար 92 տարեկան Սերբիայում օձը սողացել է խաղադաշտ և երկու անգամ կծել մրցավարին (տեսանյութ) 1 տարեկան երեխայի վիճակը գնահատվել է ծանր․ Շուշան Դանիելյան